Novy vid machlarstva ŭ Biełarusi: złamyśniki kličuć na spatkańnie ŭ kino ci teatr
U Biełarusi źjaviŭsia novy vid machlarstva: złamyśniki, vydajučy siabie ŭ sietcy za inšaha čałavieka, zaprašajuć na spatkańnie ŭ teatr ci kino. Pry kupli kvitkoŭ anłajn ludzi rasstajucca sa srodkami na karcie, paviedamlaje pres-słužba MUS.
Machinatary zarablajuć na forumach anłajn-znajomstvaŭ, vydajučy siabie za pryvabnych dziaŭčat i vykarystoŭvajučy čužyja fatahrafii, i abiacajuć novym znajomym niezabyŭnaje spatkańnie ŭ kino ci teatry.
Kab sustreča nie sarvałasia, surazmoŭnica rekamienduje kupić kvitki anłajn i skidvaje spasyłku na sajt ustanovy, kudy prapanuje pajści ŭviečary.
Prajšoŭšy pa spasyłcy i sprabujučy kupić kvitki, achviara machlarstva akazvajecca na ličbavaj padrobcy — fišynhavym sajcie, dzie paśla ŭvodu rekvizitaŭ płaciežnych kart ź ich śpisvajecca kruhleńkaja suma: ašukancy atrymlivajuć dostup da srodkaŭ na bankaŭskim płastyku i spustašajuć rachunak.
Spynić pieravod srodkaŭ uładalniki kart nie paśpiavali, i ŭ siarednim žadajučyja pravieści čas u kampanii simpatyčnaj nieznajomki hublali adnu-dźvie tysiačy rubloŭ.
Achviar takoha vidu machlarstva ŭ Biełarusi ŭžo amal sotnia, jany pražyvajuć u roznych rehijonach krainy, i, na dumku śpiecyjalistaŭ, paciarpiełych ad dziejańniaŭ złamyśnikaŭ moža być jašče bolš. Pryčyny, pa jakich paciarpiełyja jašče nie źviarnulisia da milicyi, mohuć być roznyja: chtości nie choča stanavicca paśmiešyščam z-za takoj situacyi, a chtości žanaty i nie choča afišavać sprobu adziulteru.
U adnym z vypadkaŭ małady čałaviek, jaki sprabavaŭ kupić kvitki dla siabie i novaj pasii, uvioŭ danyja karty, adnak jamu pryjšło paviedamleńnie, što zamović kvitki ciapier niemahčyma, a dla viartańnia ŭžo śpisanych hrošaj treba dadatkova ŭvieści danyja jakoj-niebudź inšaj karty. Chłopiec vykarystaŭ rekvizity karty siastry, i ŭ vyniku hrošy śpisali z abiedźviuch kart.
MUS rekamienduje nie prachodzić pa prapanavanych nieznajomcami spasyłkach, a nabirać adrasy resursaŭ uručnuju, a taksama nahadvaje, što pry znajomstvach u siecivie varta być abačlivymi.
