«My z Bajdena nie śmiajomsia». Voś što pišuć pra amierykanskaha prezidenta łukašenkaŭskija ŚMI
U kancy lipienia Łukašenka daŭ intervju ahienctvu AFP, u jakim zajaviŭ, što zachodnija ŚMI demanizujuć i kryŭdziać Pucina. Maŭlaŭ, navošta vy abražajecie Pucina, my ž z Bajdena vašaha nie śmiajomsia. Ale voś jak vyhladajuć naviny pra amierykanskaha prezidenta na dziaržaŭnych telekanałach.
«Navošta vy źnievažali ŭładu ŭ Rasii? Navošta vy prezidenta Pucina źnievažali? Makrona jany ž tak nie krytykavali, choć było za što.
Kali Bajden padymaŭsia pa trapie i ŭpaŭ, u nas u Biełarusi nichto z hetaha nie śmiajaŭsia. Usialak byvaje.
Ja razumieju: bieh čałaviek, upaŭ. Nie treba było biehčy. Ale spatyknuŭsia i spatyknuŭsia. A vy što rabili i robicie suprać Pucina? Navošta vy jaho demanizujecie, navošta vy jaho źnievažajecie?» — adznačyŭ Alaksandr Łukašenka.
Ale heta niapraŭda. Voś tolki niekalki prykładaŭ z kanała ANT.
A voś, što publikuje pra Bajdena aficyjny sajt Biełteleradyjokampanii. Źviarnicie ŭvahu na tanalnaść.
U telehram-kanale BT dazvalaje sabie jašče bolš volny styl.
Na STV — anałahična.
Źviarnicie ŭvahu, prapahanda ŭ hetych vypadkach krytykuje Bajdena nie za pohlady, nie za palityčnuju pazicyju, nie za dumki, a zajmajecca vyklučna pošukam drobnych i prymityŭnych začepak, kab maksimalna źniasłavić amierykanskaha prezidenta, vyśmiejać jahony ŭzrost (chacia kiraŭniki Biełarusi i Rasii zusim nie maładyja ludzi), pakazać abmiežavanym i nieadukavanym čałaviekam.
Pucina ž u zachodnich miedyja krytykujuć za toje, što jon raźviazaŭ ahresiŭnuju vajnu suprać susiednich krain, za zabojstvy palityčnych apanientaŭ, likvidacyju instytutaŭ hramadzianskaj supolnaści, palityčnyja represii i toje, što zavioŭ adnosiny Rasii z cyvilizavanym śvietam u tupik.
