Źbili narkakurjerku i vyrabili porna ź niepaŭnaletniaj. «Pryhody» navučencaŭ Homielskaj kadeckaj vučelni
Ceły šerah złačynstvaŭ ździejśnili dvoje vučniaŭ Homielskaj kadeckaj vučelni. Pra hetyja vypadki ŭ ahulnych rysach napisała miascovaja presa z pasiedžańnia kamisii pa spravach niepaŭnaletnich abłvykankama.
«Kadety źbili kurjerku, jakaja vykrała zakładku, padpalili dźviery inšamu takomu ž dastaŭščyku. Paźniej adzin z chłopcaŭ vyrabiŭ parnahrafičnaje fota i videa z udziełam niepaŭnaletniaj, źniščyŭ pašpart darosłaha mužčyny, vykraŭ jaho piarścionak i zaradnuju pryładu».
Padčas vobšuku ŭ chłopcaŭ znajšli pnieŭmatyčny pistalet i zarady da jaho, bałakłavy, bankaŭskija kartki i budaŭničyja palčatki: «usio, što vykarystoŭvajuć dla ŭčynieńnia złačynstva».
Taksama byli znojdzieny videamateryjały, jakija pakazvajuć raśpićcio ałkaholu i źbićcio małodšych kursantaŭ u ścienach vučylišča. Pra hetyja fakty pravaachoŭnikam nichto nie paviedamlaŭ.
«Narabili spraŭ na piać kryminalnych artykułaŭ», — piša vydańnie.
Kali adbyvalisia hetyja vypadki, nieviadoma.
