Znajści
Ałharytmičny łacinski varyjant
14.08.2022 / 14:2124RusŁacBieł

Były amapaviec Kułažanka pakinuŭ Połk Kalinoŭskaha paśla taho, jak jaho «pavučyli»

Jak stała viadoma «Našaj Nivie», Połk imia Kastusia Kalinoŭskaha pakinuŭ nieadnaznačny błohier Pavieł Kułažanka — były bajec AMAP, jaki pierajechaŭ u ZŠA, a paśla adpraviŭsia na vajnu va Ukrainu. Apošnija tydni jaho znachodžańnia ŭ Pałku adznačylisia kanfliktami.

Pavieł Kułažanka dałučyŭsia da biełaruskaha dobraachvotnickaha pałka Kalinoŭskaha — tady jašče bataljona — u sakaviku. Jak čałaviek z dośviedam pracy ŭ siłavoj struktury, jon byŭ pryznačany kamandziram roty, ale, jak skazali «Našaj Nivie» dva roznyja bajcy, prabyŭ na hetaj pasadzie vielmi karotki čas i mała čym adznačyŭsia. «Jon chacieŭ być hałoŭnym pa palityčnaj častcy, a voś vajavać nie chacieŭ — miakka kažučy, nie imknuŭsia «na pieradok» i ni razu tam nie byŭ», — raskazali «Našaj Nivie» kalinoŭcy.

Heta vyklikała razdražnieńnie kamandavańnia i tavaryšaŭ. Jak minimum dva razy ŭ Kułažanki byli istotnyja kanflikty z kiraŭnikami bataljonaŭ.

«Niezadoŭha da taho jak Kułažanka pakinuŭ połk, «Varah» — kamandzir bataljona «Teror» — vybiŭ dźviery ŭ pakoj Kułažanki i pavučyŭ jaho žyćciu», — skazaŭ «Našaj Nivie» adzin z bajcoŭ.

«Kułažanka kazaŭ, što biełarusam niama čaho rabić na poŭdni Ukrainy, i vystupaŭ za toje, kab źniacca z pazicyj i jechać prabivać kalidor u Biełaruś. U vajenny čas vy razumiejecie, jak takija prapanovy treba traktavać. Jak minimum, heta deziercirstva, jak maksimum — padbuchtorvańnie da kalektyŭnaha samahubstva ź niepradkazalnymi nastupstvami. Sukupnaść faktaraŭ pryviali da taho, što jon staŭ niepatrebnym», — skazaŭ jašče adzin bajec.

Sam Kułažanka vydaliŭ akaŭnt u Telehramie.

Znajomyja ź im kažuć, što jon, imavierna, užo pakinuŭ terytoryju Ukrainy i viarnuŭsia ŭ ZŠA.

Połk Kalinoŭskaha — samaje šmatlikaje ź biełaruskich dobraachvotnickich farmavańniaŭ u składzie ŭkrainskaj armii, jakija ŭtvarylisia paśla napadu Rasii na Ukrainu. Ën vyras vakoł idejnych biełarusaŭ-dobraachvotnikaŭ, jakija vajavali za niezaležnaść Ukrainy z 2014 hoda. Połk «Pahonia», u asnovie jakoha — byłyja bajcy biełaruskich Siłaŭ śpiecyjalnych apieracyj — pakul nie taki šmatliki. 

Mnohija bajcy Kalinoŭskaha i «Pahoni» adkryta kažuć, što ich mara — paśla vyzvaleńnia akupavanych ukrainskich terytoryj vyzvalić i Biełaruś. Adnak taki hipatetyčny scenaryj niemahčymy biez dapamohi Ukrainy i / ci Polščy, što mnohim padajecca małavierahodnym. 

Aŭtarytetnaha byłoha kamandzira desantnaj bryhady z Bresta Valeryja Sachaščyka źviazvajuć z «Pahoniaj». Śviatłana Cichanoŭskaja pryznačyła jaho svaim pradstaŭnikom pa pytańniach biaśpieki i abarony.

Nielha vyklučać, što ŭsie biełaruskija farmavańni z časam abjadnajucca pad adnym kamandavańniem.

«Heta narmalna, što vypadkovyja ludzi adsiejvajucca. I navat niepaźbiežna. U lutym-sakaviku ŭ biełaruskija farmavańni pryjšli ludzi roznaha rodu. Kaściak razumieje, što ŭ armii i tym bolš na vajnie nielha biez dyscypliny i subardynacyi», — skazaŭ «Našaj Nivie» adzin z kalinoŭcaŭ.

«Naša Niva» — bastyjon biełaruščyny

PADTRYMAĆ

Chto taki były amapaviec Pavieł Kułažanka, jaki sprabuje stać radykalnym palityčnym lidaram?

Chto taki Valeryj Sachaščyk, jaki ŭznačaliŭ siłavy błok u kabiniecie Cichanoŭskaj

Arciom Harbacevič

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Ochtas/adkazać/
16.08.2022
Čto Kułažienko, čto Pavłovič - oba iz omona, oba somnitielnyje. Odin vriet i viediet siebia kak pop Hapon (eto o tom, kak on prizyvał šturmovať hranicu RB), druhoj  na vsie vypadki hovorit, čto "zakon surov - no eto zakon", opravdyvaja nasilije nad biezzaŝitnymi, opravdyvaja niespraviedlivyj zakon i iźbijenija słabych i biezzaŝitnych.

Otličije diemokratičieskich stran ot diktatur v tom, čto i tam i tam jesť zakon. No v stranach diemokratičieskich zakon napisan dla zaŝity naroda, a v diktaturie - dla jeho obdiranija po vsiem paramietram. U Hitlera tožie byli svoi zakony - odnako nikomu nie prichodit v hołovu jeho opravdyvať, ibo oni byli pisany dla uničtožienija i podavlenija.
0
123/adkazać/
19.08.2022
Odnoho "ušli", a skolko mudakov jeŝie ostałoś?.. A skolkich jeŝie nie znajem. Ja dumaju ubrali otkrovienno problemnoho, kotoryj privlek vnimanije obŝiestviennosti.
0
hierdzień /adkazać/
20.08.2022
mda, darahija. z takim "irvieńniem" i vieraj u ofisy volu my nie zdabudziem. vielmi padobna, što bolšaść čakaje, što vola ŭpadzie na hałavu sama)) mnie ideja kalidoru bolš pasuje, čym mirny mazachiz
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031