Vulicy ŭ Barysavie zasypała piłavińniem z-za avaryi na «Barysaŭdrevie»
Ranicaj 14 žniŭnia žychary rajona kala «Barysaŭdreva» vyjavili płast piłavińnia na vulicach, travie, mašynach. Jak piša «Minskaja praŭda», kala 7-j ranicy na «Barysaŭdrevie» adbyłasia pałomka, z-za jakoj bližejšyja vulicy zasypała draŭnianym vałaknom.
Fota: vk.com/typical_borisov
Pa słovach namieśnika hiendyrektara — hałoŭnaha inžyniera pradpryjemstva Paŭła Stankieviča, adbyłosia avaryjnaje spracoŭvańnie kłapana ŭ sistemie asadžeńnia vałakna.
Fota: vk.com/typical_borisov
«Tak, siońnia kala 7-j ranicy adbyłosia spracoŭvańnie avaryjnaha kłapana. Jon adkryvajecca, kali adbyvajecca pavyšeńnie cisku ŭ cykłonie (sistema asadžeńnia vałakna). Paśla praviedzienaha nami abśledavańnia było vyjaŭlena, što zafiksavanaha pieravyšeńnia nie było. Mabyć, nie vytrymała macavańnie.
Tam paralelna stajać dva cykłony, na kožnym pa 8 takich kłapanaŭ, jakija macujucca płastykavymi bałtami. Paśla spracoŭvańnia avaryjnaha kłapana my apieratyŭna spracavali: adklučyli abstalavańnie i likvidavali pałomku. Cykłon vysoka raźmieščany (dzieści 30-35 mietraŭ) i vykid, jaki adbyŭsia, raźniesła vietram pa navakolli», — rastłumačyŭ hałoŭny inžynier pradpryjemstva.
Fota: vk.com/typical_borisov
