Znajści
Ałharytmičny łacinski varyjant
16.08.2022 / 08:25RusŁacBieł

U «DNR» ahučyli abvinavačańnie jašče piaciarym inšaziemcam. Traim ź ich pahražaje śmiarotnaje pakarańnie

15 žniŭnia ŭ sudzie tak zvanaj «DNR» pačaŭsia razhlad spravy jašče piaciarych zamiežnych hramadzian, jakich vinavaciać va ŭdziele ŭ bajavych dziejańniach na baku Ukrainy.

Fota: dan-news.info

Hramadzian Šviecyi, Charvatyi i Vialikabrytanii — Matyjasa Hustaŭsana, Vekasłava Prebieha i Džona Chardynha — abvinavačvajuć va ŭdziele ŭ jakaści najmitaŭ «u vajennych dziejańniach i navučani dla hvałtoŭnaha zachopu ŭłady». Im pahražaje śmiarotnaje pakarańnie.

Jašče dvum hramadzianam Vialikaj Brytanii — Endru Chiłu i Dyłanu Chili — pradjavili abvinavačańni va ŭdziele ŭ vajennych dziejańniach i ŭ viarboŭcy najmitaŭ adpaviedna.

Zhodna z Kryminalnym kodeksam samaabvieščanaj «DNR», Chiłu pahražaje da siami hadoŭ pazbaŭleńnia voli. Chili — da vaśmi.

Nichto z zamiežnikaŭ nie pahadziŭsia z ahučanymi abvinavačvańniami.

Nastupnaje pasiadžeńnie adbudziecca ŭ kastryčniku.

9 červienia tak zvany «viarchoŭny sud» samaabvieščanaj «DNR» asudziŭ hramadzian Vialikabrytanii Šona Pinera i Ejdena Eślina i hramadzianina Maroka Saaduna Brahima na śmierć. Jany słužyli ŭ 36-j asobnaj bryhadzie marskoj piachoty Uzbrojenych sił Ukrainy i byli ŭziatyja ŭ pałon u Maryupali. Usie troje pierajechali va Ukrainu zadoŭha da pačatku rasijskaha ŭvarvańnia i ŭžo niekalki hadoŭ słužyli ŭ marskoj piachocie USU na kantrakcie, nahadvaje «Radyjo Svaboda».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
0
Ха-ха
0
Ого
0
Сумна
0
Абуральна
5
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera