Juryja Šaŭčuka aštrafavali pa spravie ab dyskredytacyi rasijskaj armii
Saviecki rajonny sud Ufy siońnia razhledzieŭ pratakoł ab «dyskredytacyi» rasijskaj armii, składzieny ŭ dačynieńni da lidara rok-hurta DDT Juryja Šaŭčuka i aštrafavaŭ muzyku na 50 tysiač rasijskich rubloŭ (kala 2100 biełaruskich).
Pratakoł u dačynieńni da Šaŭčuka skłali paśla kancerta DDT va Ufie ŭ mai. Padčas vystupu Šaŭčuk, u pryvatnaści, vykazaŭsia ab radzimie i prezidencie Rasii: «Radzima, siabry, heta nie zadnica prezidenta, jakuju treba ŭvieś čas musolić, całavać. Radzima — heta babula-žabračka na vakzale, što pradaje bulbu. Voś heta radzima». Taksama jon kazaŭ, što ŭ jaho «strašna balić duša» praz kanflikt va Ukrainie. «My suprać vajny», — kazaŭ tady muzykant.
Pierad prysudam advakat Šaŭčuka ahučyŭ jaho pazicyju. Muzykant zajaviŭ, što jon suprać luboj vajny, u luboj krainie i ŭ lubyja časy.
