Biełaruskija banki naroščvajuć vypusk bankaŭskich kartak, bo jany zapatrabavanyja rasijanami
U druhim kvartale 2022 hoda ŭ krainach postsavieckaj prastory kolkaść kartak vyrasła bolš, čym hodam raniej. Pra heta piša «RBK» sa spasyłkaj na infarmacyju centrabankaŭ Biełarusi, Kyrhyzstana i inšych krain.
U Kyrhyzstanie, Uźbiekistanie i Biełarusi hadavy pryrost akazaŭsia maksimalnym z 2018 hoda. U hetych krainach, a taksama Armienii i Tadžykistanie, naziralisia dvuchznačnyja tempy rostu.
Tłumačycca hety fienomien vielmi prosta. Vydača paskarajecca na fonie sychodu z Rasii Visa i Mastercard, u vyniku čaho kartki, vypuščanyja bankami hetaj krainy, pierastali pracavać za miažoj. Heta pryvodzić da roskvitu «kartkavaha turyzmu» rasijan.
Biełaruś stała adnym z najbolš papularnych napramkaŭ razam z Uźbiekistanam i Kazachstanam. U II kvartale banki Biełarusi naraścili kolkaść kartak na 11,52%, da 17 młn štuk. Dla paraŭnańnia, u krasaviku—červieni 2021 hoda kolkaść kartak skaračałasia na 1,03%, u II kvartale 2020 hoda — rasła tolki na 0,9%.
Ale najbolšy pryrost pa vynikach II kvartała zafiksavaŭ Centrabank Kyrhyzstana: tut kolkaść kartak mižnarodnych płaciežnych sistem pavialičyłasia na 39,7% u paraŭnańni ź minułym hodam — da 1,2 młn štuk.
