Znajści
Ałharytmičny łacinski varyjant
17.08.2022 / 11:294RusŁacBieł

Sud pa spravie ab «dziaržpieravarocie»: palityk Kalakin i žurnalistka Kalinkina dali pakazańni 

U sudzie pa spravie tak zvanych «zmoŭčšykaŭ» praciahvajecca dopyt śviedkaŭ. Siońnia dapytali viadomuju žurnalistku Śviatłanu Kalinkinu i palityka Siarhieja Kalakina, paviedamlaje Sputnik.

13-ty dzień suda pačaŭsia z dopytu ŭ jakaści śviedki lidara Biełaruskaj partyi levych «Spraviadlivy śviet» Siarhieja Kalakina.

Prakuror spytaŭ u Kalakina, ci zaprašali jaho abvinavačanyja ŭdzielničać u zmovie z metaj źviaržeńnia ŭłady niekanstytucyjnym šlacham.

Kalakin skazaŭ, što viedaje troch ź piaci abvinavačanych — Alaksandra Fiadutu, Ryhora Kastusiova i Juryja Ziankoviča. Jon zajaviŭ, što jamu nichto nie prapanoŭvaŭ udzielničać u źviaržeńni ŭłady niekanstytucyjnym šlacham, taksama jamu nie prapanoŭvali ŭdzielničać u zum-kanfierencyjach. Taksama Kalakin skazaŭ, što, na jaho dumku, abvinavačanyja nie mahli mieć namieraŭ hvałtoŭna źmianić uładu ŭ krainie.

Sychodziačy z zały suda, Kalakin pažadaŭ abvinavačanym pośpiechu.

Žurnalistka Śviatłana Kalinkina, jakuju ŭ sud vyklikała abarona Fiaduty, pradstaviłasia ahladalnicaj haziety «Narodnaja vola». Jana paviedamiła, što viedaje Alaksandra Fiadutu z 1995 hoda, nazvała jaho čałaviekam-encykłapiedyjaj, prychilnikam palityki zdarovaha sensu i adznačyła, što nikoli nie sustrakała ŭ jaho publicystycy ekstremisckich matyvaŭ.

Kalinkina kamplimientarna vykazałasia i ŭ dačynieńni da Kastusiova jak palityka i čałavieka i navat paprasiła prabačeńnia za toje, što niekali dazvoliła sabie rezkaje publičnaje vykazvańnie na jaho adras.

Učora sud pa spravie «zmoŭcaŭ» zakryli: pakazańni davaŭ ukaraniony ŭ hrupu siłavik.

Kryminalnuju spravu ab sprobie dziaržaŭnaha pieravarotu ŭ Biełarusi Minski abłasny sud pačaŭ razhladać 29 lipienia.

Pa spravie prachodziać Juryj Ziankovič, Alaksandr Fiaduta, Ryhor Kastusioŭ, jakija abvinavačvajucca ŭ zmovie, ździejśnienaj z metaj zachopu dziaržaŭnaj ułady niekanstytucyjnym šlacham (č. 1 art. 357 KK), i jašče dva fihuranty — Volha Hałubovič i Dzianis Kraŭčuk — abvinavačvajucca ŭ aktyŭnym udziele ŭ hrupavych dziejańniach, jakija hruba parušajuć hramadski paradak (č. 1 art. 342 KK).

Akramia hetaha, Ziankoviču inkryminavanaje stvareńnie ekstremisckaha farmavańnia i kiraŭnictva takim farmavańniem (č. 1 art. 361-1 KK), zakliki da zachopu dziaržaŭnaj ułady (č. 3 art. 361 KK), raspalvańnie sacyjalnaj varožaści, učynienaje hrupaj asob (č. 3 artykuła 130 KK).

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Vadia/adkazać/
17.08.2022
A mnie ich nie žałko. Vsie tie jeŝio žuki. Mołodych žałko, naivnych i čiestnych.
0
Mistier Bin/adkazać/
17.08.2022
Aktiory v kinokomiedii sieŕjoznyje, vzrosłyje ludi - vot v čiom niuans. Vybrať Rośsiju dla kakich to svoich zasiedaliŝ, buduči v oppozicii k diktatoru i riežimu, eto fienomienalnaja biezmozhłosť i ślepota. Vot, čto hłavnoje, a vsio ostalnoje liš dietali (tožie nie mienieje hłupoje, no nie fatalnoje), vtorostiepiennyje epizody.
0
daviedka/adkazać/
17.08.2022
Da eto była razyhrana opierativnaja kombinacija KHB, ich vieli v nužnom napravlenii, kak ślepych kotiat.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031