Znajści
Ałharytmičny łacinski varyjant
18.08.2022 / 15:5920RusŁacBieł

Ukaraniajecca ŭ biełaruskija arhanizacyi jak juryst, pierasyłaje infarmacyju Lebiedzievaj. Dziŭnaja dziejnaść Mantasa Danielusa

Jon ukaraniaŭsia ŭ biełaruskija arhanizacyi, znajomiŭsia ź biznesami i aktyvistami, a paśla taho, jak uvachodziŭ u davier, pieradavaŭ infarmacyju łukašenkaŭskaj prapahandystcy Ksienii Lebiedzievaj. Ale heta nie samaje dziŭnaje ŭ hetaj historyi.

Mantas Danielus. Fota: sacyjalnyja sietki

Mantas Danielus — litoŭski juryst, jaki pravodzić svaje kansultacyi dla biełarusaŭ u emihracyi. 

Schiema, pa jakoj pracuje Mantas, takaja: jon u jakaści biznes-kansultanta znajomicca ź biełarusami na mierapryjemstvach, naprykład, pravodzić lekcyi pa tym, jak adkryć svaju spravu. Inšyja źviartajucca da jaho pa jurydyčnuju dapamohu, bo znachodziać u internecie ci ŭ biełaruskich supołkach infarmacyju pra jaho vialiki dośvied jak jurysta. Paśla taho jak jon uvojdzie ŭ davier, pačynajecca dziŭnaje. 

Kansultant zadaje pytańni roznaha charaktaru, robić videazapisy dy skryny pierapisak i sistematyčna — «Našaj Nivie» viadomyja niekalki takich vypadkaŭ — pierasyłaje ich žurnalistcy Ksienii Lebiedzievaj.

«Našaj Nivie» viadomyja niekalki historyj, ale nie ŭsie z zakranutych asob pahadzilisia, kab viadomaje ad ich było apublikavanaje. 

Pa našaj infarmacyi, niekalki ź biełarusaŭ, jakija sutykalisia z Danielusam, padali na jaho zajavy ŭ litoŭskuju palicyju.

Mantas užo traplaŭ u radar miascovych pravaachoŭnych orhanaŭ raniej.

U siecivie, naprykład, jość dakumient, zhodna ź jakim jašče ŭ 2011 hodzie palicyja (adździeł pa rasśledavańni ekanamičnych złačynstvaŭ) vynosiła jamu aficyjnaje papiaredžańnie, u jakim patrabavała «vykonvać Kanstytucyju i zakony Litoŭskaj Respubliki, nie abmiažoŭvać pravy i svabody ludziej». 

 

Aficyjnaje papiaredžańnie, jakoje było vyniesiena Mantasu Danielusu

Pa infarmacyi «Našaj Nivy», niejki čas Danielus dapamahaŭ u jakaści jurysta arhanizacyi «Naš dom» Volhi Karač. Taksama pravodziŭ kansultacyi ŭ arhanizacyi «Dapamoha», jakoj kiruje Natalla Kalehava. Pa našaj infarmacyi, z sakavika tam ź im užo nie padtrymlivajuć suviaź.

Danielus pieryjadyčna publikuje fotazdymki z sustreč ź biełarusami ŭ Litvie.

Skryn afišy sustrečy z Mantasam Danielusam

Druhaja źleva — Volha Karač. Skryn z sacyjalnych sietak Mantasa Danielusa. 

Druhaja źleva — Volha Karač. Skryn z sacyjalnych sietak Mantasa Danielusa.

Svajo supracoŭnictva z łukašenkaŭskimi ŚMI Mantas nie chavaje. Jon daje kamientary ŭ jakaści litoŭskaha jurysta na telekanale «Biełaruś 1» i chvalicca hetym u siabie na staroncy ŭ fejsbuku. 

Skryn, jaki Danielus raźmiaściŭ u svajoj sacyjalnaj sietcy 

Takim «kansultantam» jon byŭ u siužecie pra palityčnuju «spravu Aŭtuchoviča» prapahandystki Ksienii Lebiedzievaj. U im jon raskazvaŭ, da jakich «mietadaŭ» źviartajucca źniavolenyja, kab zaciahnuć sudovy praces.

Niadaŭna na «Biełaruś 1» usio ŭ toj ža prapahandystki vyjšła intervju z byłym dobraachvotnikam-kalinoŭcam — Viktaram Savičam. Ale, jak paźniej chłopiec raskazaŭ «Zierkału», telebačańniu jon kamientary nie davaŭ. 

U vyniku represij 2020-ha małady čałaviek źjechaŭ ź Biełarusi ŭ Litvu. Kali pačałasia vajna, jon ustupiŭ u bataljon Kalinoŭskaha (paźniej jon pierajmienavaŭsia ŭ Połk). 

Viktar raskazaŭ, što 11 abo 12 lipienia jon razarvaŭ kantrakt z Uzbrojenymi siłami Ukrainy i viarnuŭsia ŭ Vilniu, dzie vyrašyŭ adkryć svoj biznes. Jon źviazaŭsia ź jurystam, jaki kansultuje ludziej pa tym, jak adkryć svaju spravu. Heta byŭ toj samy Mantas Danielus.

«Kaliści ja byŭ niekalki razoŭ u jaho na lekcyjach, tamu i źviazaŭsia ź im», — raskazaŭ kalinoviec. 

Praz paŭtara tydni paśla znajomstva Mantas, sa słovaŭ Viktara, prapanavaŭ jamu zapisać intervju ab Pałku. Danielus skazaŭ, što rolik treba dla ambasady ZŠA, kab «razabracca z Pałkom». U vyniku videa, dzie chłopiec havoryć pra dobraachvotnikaŭ, pakazali nie ŭ pasolstvie ZŠA, a na BT. 

U viersii BT hołas intervjujera schavany.

Heta było nie adzinaje intervju Danielusa z Savičam. Ën zapisvaŭ chłopca na videa niekalki razoŭ. Zadavaŭ taksama pytańni pra Cichanoŭskuju, hrošy apazicyi i svaimi farmuloŭkami padvodziŭ surazmoŭcu da adkazaŭ, što Cichanoŭskaja atočanaja ahientami zachodnich śpiecsłužbaŭ i što kalinoŭcy ličać siabie «šlachtaj», a narod — «bydłam». Savič takich adkazaŭ usio ž nie daŭ.

U «Našaj Nivy» paśla prahladu dastupnaha nam aryhinała intervju skłałasia ŭražańnie, što Danielus mieŭ jasny płan i zadačy, jakich adkazaŭ jon chacieŭ dabicca ad Saviča. 

Mantas Danielus raskazaŭ «Našaj Nivie», što ź Lebiedzievaj znajomy daŭno. 

«Z Ksienijaj Lebiedzievaj my paznajomilisia ŭ Pałanzie zadoŭha da pandemii. Jana zdymała tam videa ab rehularnych rejsach «Biełavija». Pakolki ja svabodna razmaŭlaju pa-rusku, dapamahaŭ joj vykonvać abaviazki žurnalista.

Ksienija pryniała isłam, u mianie taksama šmat siabroŭ-musulman, jašče my aboje adnaho znaka zadyjaku, roźnica ŭ hadach nievialikaja. Heta bolš padobna da simpatyi mužčyny da žančyny, čym da supracy», — apisvaje jon znajomstva.

«Ksienija — pałkoŭnik infarmacyjnaj słužby KDB. Jana mnie ŭ samym pačatku skazała, što ŭsie zorki słužby navin Biełaruskaha dziaržteleradyjo adnačasova dziejnyja supracoŭniki KDB. U nas takaja ž situacyja była ŭ Litvie da pierabudovy, tak što dla mianie heta nie siurpryz», — napisaŭ «Našaj Nivie» Danielus.

Skryn adkazu Mantasa Danielusa «Našaj Nivie»

Na pytańnie, navošta jon pieradaje infarmacyju pra biełarusaŭ, Mantas adkazaŭ, što «heta dapamoha žančynie, jakuju ja ščyra abažaju».

Hrošy, kaža jon, za heta jamu nie płaciać.

«Ksienija fatalnaja žančyna. Jana ŭmieje začaravać mužčyn. Hety typ žančyn pa-litoŭsku nazyvajecca Čornyja archidei», — dzielicca Mantas.

Skryn pierapiski Mantasa Danielisa z Ksienijaj Lebiedzievaj, jaki jon pierasłaŭ «Našaj Nivie»

«Čyści našu pierapisku, nie zachoŭvaj skrynoŭ našaj pierapiski», — instruktuje jaho Lebiedzieva. Adnak, jak bačym, jon nie vykonvaje hetaj prośby.

Mantas Danielus raskazaŭ, što jon trapiŭ u «Naš dom» niekalki hadoŭ tamu, jaho parekamiendavała žančyna, jakaja žyła tam u šełtary. «Naša Niva» viedaje imia žančyny.

«Jana paćvierdziła, što ja pravilny čałaviek», — tłumačyć Mantas. 

Danielus śćviardžaje, što Volha Karač i Natalla Kalehava viedali pra toje, što jon pieradaje infarmacyju Ksienii Lebiedzievaj. My nie viedajem, ci heta praŭdzivaje śćviardžeńnie. Natalla Kalehava admoviłasia kamientavać situacyju z Danielusam publična, Volha Karač nie adkazała na naš zapyt pra kamientar.

My pacikavilisia ŭ Mantasa Danielusa, ci nie bačyć jon prablemy ŭ supracoŭnictvie z łukašenkaŭcami. 

«Litva nie znachodzicca ŭ stanie vajny ź Biełaruśsiu. Mnie dazvolena dapamahać žurnalistam Biełarusi. KDB źjaŭlajecca ŭradavym orhanam, ale pakolki aficyjnaha vajennaha stanovišča niama, mnie dazvolena razmaŭlać z supracoŭnikami KDB da taho času, pakul nie buduć raskrytyja dziaržaŭnyja sakrety», — kaža Danielus.

«Naša Niva» — bastyjon biełaruščyny

PADTRYMAĆ

Viedajecie pra hetuju ci inšyja temy bolš, pišycie ŭ naš biaśpiečny @Nasa_Niva_Bot.

Čytajcie taksama:

Pasoł Ukrainy žurnalistcy BT: «Ciažka nazvać karespandentam vas. Viedajecie: vy prapahandystka, nie bolš za toje»

Chto takaja Ksienija Lebiedzieva, jakaja aśviatlaje žanočyja maršy dla BT

Volha Karač raspačała kryžovy pachod — na «Našu Nivu» i Antona Matolku

Litoŭskija ŚMI: Vilenski fond «Dapamoha» Natalli Kalehavaj vykarystoŭvaŭ machlarskija schiemy, kab zarabić na raźmiaščeńni biełaruskich emihrantaŭ

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Džiek Błek/adkazać/
19.08.2022
XXX,Nu tyk-pałkounik KHB žieš,urovień niedosiahajemyj.
0
EMIL /adkazać/
19.08.2022
Nado jemu sročno v Biełaruś biežať,kak i Čiečko. Dast paru intiervju Lebiedievoj. Nu a potom,kak słožitsia.
0
Zhive .../adkazać/
20.08.2022
Aha, biełyje tapki jeho ždut...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera