Znajści
Ałharytmičny łacinski varyjant
18.08.2022 / 08:16RusŁacBieł

Dźvie bieraściejki pabilisia z-za ŭkusu sabaki ŭ haradskim parku

U pačatku maja ŭ Breście ŭ adnym z parkaŭ adbyŭsia incydent: dźvie žančyny pabilisia z-za ŭkusu sabaki. Sud aštrafavaŭ adnu ź ich, ale jana abskardziła pastanovu. Kančatkovaje rašeńnie pryniaŭ Brescki abłasny sud.

U pastanovie suda imiony bieraściejek na nazyvajucca, tolki P. i A.

7 maja ŭ parku sabaka ŭkusiŭ P. za pravuju nahu. A. padyšła da P., kab pahladzieć na stan jaje nahi. Pamiž žančynami pačaŭsia kanflikt. P. šturchnuła A., a A. u adkaz ŭdaryła P. nahoj pa pravym ściahnie — tudy ž, kudy pryjšoŭsia i ŭkus. Heta paćvierdzili i śviedki. A. śćviardžała, što naniesła ŭdar mašynalna ŭ adkaz na ŭdar P.

Ekśpiertyza, jakaja była praviedzienaja praz tydzień, zafiksavała ŭ P. paškodžańni, jakija «nie paciahnuli za saboj karotkačasovaha razładu zdaroŭja abo niaznačnaj stojkaj straty pracazdolnaści». Było ŭstanoŭlena, što paškodžańni ŭtvarylisia ad udaru, naniesienaha A.

U vyniku A. pryznačyli štraf u dziesiać bazavych vieličyń (320 rubloŭ).

A. sprabavała abskardzić rašeńnie suda, bo adno z paškodžańniaŭ było ŭkusam sabaki, ale ekśpiert nie zmoh vyśvietlić, jakoje mienavita, a ŭładalnika sabaki taksama aštrafavali za naniasieńnie paškodžańniaŭ P. Adnak sud paličyŭ, što padstavaŭ dla pierahladu rašeńnia nie majecca.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera