Znajści
Ałharytmičny łacinski varyjant
08.09.2022 / 16:237RusŁacBieł

«A vy pa-biełarusku razmaŭlajecie, tamu što pryncyp? U nas ruskamoŭnaja škoła, u dyrektara adrazu buduć pytańni»

Dziŭny dyjałoh adbyŭsia ŭ adnoj sa škoł, kali žurnalistka Biełaruskaha rasśledavalnickaha centra patelefanavała tudy pad vyhladam piedahoha, jaki šukaje pracu.

Ilustracyjny zdymak

U administracyi navučalnaj ustanovy adznačyli, što im patrebny nastaŭnik fizkultury. A paśla zapytalisia:

— A vy pa-biełarusku razmaŭlajecie, tamu što pryncyp ci vučylisia ŭ hetaj škole biełaruskamoŭnaj?

— Nu ja zaŭsiody razmaŭlała pa-biełarusku. A treba budzie havaryć pa-rusku?

— Nu z baćkami i ź dziećmi. U nas ruskamoŭnaja škoła, razmaŭlajem my ŭsie na ruskaj movie. Kali idzie ŭrok biełaruskaj movy i litaratury, zrazumieła, što biełaruskaja mova. Nu voś hladzicie, vy pryjdziecie da dyrektara, pačniacie razmaŭlać na biełaruskaj movie — usio, adrazu ž, jak by: «Čamu?»

— My žyviom u Biełarusi, čamu heta tak dziŭna, što čałaviek razmaŭlaje na biełaruskaj?

— Nie, heta nie dziŭna… Kali b vy byli nastaŭnik biełaruskaj movy — zrazumieła.

Žurnalistka taksama pytałasia, ci budzie pieraškodaj pry pracaŭładkavańni toje, što piedahoha zatrymlivali pa administracyjnym artykule za mitynhi. U škole adkazali: adnaznačna nie zmohuć uziać, choć nastaŭnik im i vielmi patrebny.

Praz pratesnuju administratyŭku admovili i ŭ inšaj škole.

— Ja bačyła abjavu ŭ internecie, što vy šukajecie nastaŭnika pačatkovych kłasaŭ. Ci aktualnaja jašče hetaja abjava? — zapytałasia žurnalistka.

— Uhu.

— Ale jość takoje pytańnie. Mianie zatrymlivali pa administracyjnaj spravie — ci heta budzie prablemaj?

— Za ŭdzieł u mitynhach?

— Tak.

— Tak, heta budzie prablemaj. My budziem pasyłać aficyjny zapyt na vašu charaktarystyku, heta budzie paznačana ŭ charaktarystycy, i, na žal, z takim artykułam my nie možam uziać na pracu čałavieka.

— Moža, vy viedajecie, dzie z takim artykułam mohuć uziać? Bo ja ŭžo šukaju daŭno pracu.

— Nie ŭ dziaržaŭnaj ustanovie. Reč u tym, što ŭ nas ža strohi ałharytm. Jak tolki čałaviek da nas prychodzić, pierš čym uziać jaho na pracu, my dajom zapyt u HUUS ab najaŭnaści sudzimaści, pryvodaŭ i ŭsiaho astatniaha, dajom zapyt na charaktarystyku vyznačanaha ŭzoru na papiaredniaje miesca pracy. I tolki paśla hetaha majem prava ŭziać čałavieka na pracu. Heta dekret, jaki rehłamientavaŭ pryjom na pracu ŭ dziaržaŭnyja ŭstanovy.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Banaparciuk/adkazać/
08.09.2022
Dyk a ničoha nie źmianiłasia za 20 hod. Kakli na movie razmaŭlaješ, to beneefaviec, kali na trasiancy, to kałhaśnik. A voś kali na vialikaj i mahutnaj, to adukavany i sapraŭdny biełarus.
0
Vałoška/adkazać/
09.09.2022
U majoj škole vykładčyca ruskaj movy adkryta kazała, što jaje mova vialikaja, a našaja prymityŭnaja. Jak dokaz pryvodziła vierš vialikaha Puškina i jaho sapraŭdy kiepski pierakład na biełaruskuju. I kolki takich šavinistaŭ u dziaržaŭnych ustanovach roznaha ŭzroŭniu?
0
Janka/adkazać/
09.09.2022
Vałoška, u takoha rodu situacyjach treba prapanoŭvać apanientu pačytać jakich-kolečy 50 staronak Hiermana Hiese "Hulnia šklanych pierłaŭ", pierakład Vasila Siomuchi. 
U dadzienaj situacyi prafiesijnaja prymityŭnaść i niepiśmiennaść nastaŭnicy zaškalvajuć.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera