Znajści
Ałharytmičny łacinski varyjant
11.09.2022 / 08:45RusŁacBieł

Zialenski ahučyŭ, kali moža nastupić pierałomny momant u nastupleńni

Zimovy pieryjad moža stać pierałomnym momantam u vyzvaleńni ŭkrainskich terytoryj, akupavanych Rasijaj, ale dla hetaha ŭkrainskaj armii patrabujecca sistematyčnaja pastaŭka nieabchodnych vidaŭ uzbrajeńnia. Pra heta skazaŭ prezident Uładzimir Zialenski padčas udziełu ŭ panelnaj dyskusii na 17-j sustrečy Jałcinskaj jeŭrapiejskaj stratehii «Ukraina na abaronie našaj ahulnaj svabody» (YES).

Fota: Ofis prezidenta Ukrainy

«Ja liču, što hetaja zima — pierałomnaja, i jana moža pryvieści da chutkaj deakupacyi Ukrainy. My bačym, jak jany [rasijskija sałdaty] biahuć na niekatorych napramkach. Byli b my krychu macniejšyja zbrojaj, my b deakupavali chutčej», — cytuje Zialenskaha jaho Ofis.

90 dzion budučaj zimy vyrašać bolš, čym 30 hadoŭ niezaležnaści Ukrainy, miarkuje jon.

Jon adznačyŭ, što z pačatku vajny ŭkrainskaje hramadstva abjadnałasia ŭ baraćbie suprać voraha i pieraasensavała svajo staŭleńnie da Radzimy i rodnaj ziamli.

«Usie stali adnoj prafiesii. Hetaja prafiesija — ukrainiec, źmiest prafiesii — vyžyć. Tak što heta hałoŭnaja naša kontrataka», — skazaŭ Uładzimir Zialenski.

Prezident Ukrainy padkreśliŭ, što ŭ ich niama inšaha vyjścia, čym pieramahčy ahresara ŭ hetaj vajnie.

«Usie my dakładna vierym u pieramohu bolš, čym jany, i heta hałoŭnaje. Hałoŭnaja naša zbroja — što my vierym, viedajem, adčuvajem pieramohu», — reziumavaŭ Zialenski.

Jon taksama adznačyŭ, što Ukraina moža pavialičyć ekspart elektraenierhii:

«My ŭžo ekspartujem elektryčnaść našym susiedziam, jakaja dapamahaje zamiaščać brudnyja rasijskija enierharesursy, i lohka možam pavialičyć ekspart jak minimum da dvuch z pałovaj hihavat, a potym jašče bolš…. Ale dla hetaha treba, kab rasijskija vajskoŭcy syšli z terytoryi Zaparožskaj AES. Heta fundamientalny jeŭrapiejski intares ciapier, pierad zimoj».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
54
Панылы сорам
1
Ха-ха
3
Ого
0
Сумна
0
Абуральна
4
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031