Znajści
Ałharytmičny łacinski varyjant
11.09.2022 / 19:391RusŁacBieł

Hienštab USU: Akupanty pakidajuć Svatava na Łuhanščynie

U viačerniaj zvodcy Hienštab USU Ukrainy siarod inšaha padkreśliŭ, što rasijskija akupanty pry adstupleńni vyvoziać z raniej akupavanych terytoryj narabavanaje dabro. Siarod pieraličanych im haradoŭ — i Svatava ŭ Łuhanskaj vobłaści.

Panarama Svatava. Fota: «Vikipiedyja»

U zvodcy Hienštaba adznačajecca:

«U vyniku paśpiachovaha kontrnastupleńnia našych vojskaŭ na Charkaŭskim kirunku rasijskija vojski lichamankava pakidajuć svaje pazicyi i biahuć z narabavanym uhłyb časova zaniatych terytoryj abo na terytoryju Rasijskaj Fiederacyi.

U pryvatnaści, stała viadoma, što kala 150 vajskoŭcaŭ Uzbrojenych siłaŭ Rasijskaj Fiederacyi vyjechali kałonaj z Barščova i Arciomaŭki Charkaŭskaj vobłaści na dvuch aŭtobusach, adnym hruzaviku i na 19 vykradzienych lehkavych aŭtamabilach.

Takaja ž situacyja nazirajecca i ŭ horadzie Svatava Łuhanskaj vobłaści. Akupanty ŭ śpiešcy pakinuli nasieleny punkt na 4 hruzavych aŭtamabilach «KaMAZ», 20 braniavanych mašynach «Tyhr» i vykrali bolš za 20 lehkavych aŭtamabilaŭ miascovych žycharoŭ».

Taksama pra toje, što rasijanie i miascovyja kałabaranty pakidajuć miascovaści na Łuhanščynie, paviedamlaje kiraŭnik Łuhanskaj abłasnoj administracyi Siarhiej Hajdaj. Pavodle jaho źviestak, u punkcie propusku ŭ Stanicy Łuhanskaj zaŭvažajecca aŭtamabilnaja čarha daŭžynioj u 12 kiłamietraŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
59
Панылы сорам
2
Ха-ха
10
Ого
9
Сумна
0
Абуральна
1
0
Hosť/adkazać/
12.09.2022
Poka ‘'pušiečnoje miaso''prinositsia v žiertvu , druhije , boleje provornyje, vyvoziat nahrablennoje.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930