Vyzvalenaja z rasijskaha pałonu ŭkrainka naradziła dzicia
Miedyk Marjana Mamonava, jakaja viarnułasia va Ukrainu z rasijskaha pałonu, naradziła dačku.
«U noč na 25 vieraśnia ŭ Łuckim pierynatalnym centry Marjana Mamonava naradziła dačku! Dziaŭčynka naradziłasia kala 4 ranicy vahoj 3250 hramaŭ, rostam 57 sm», — napisaŭ telehram-kanał Asacyjacyi siemjaŭ abaroncaŭ «Azoŭstali».
Niahledziačy na abstreły, jana ź miedbryhadaj praciahnuła jeździć pa horadzie i dapamahać ludziam. Potym razam z vajennymi i mirnymi žycharami Marjana chavałasia na zavodzie imia Iljiča. A zatym trapiła ŭ pałon.
Jaje ŭtrymlivali ŭ kałonii ŭ Jalenaŭcy Danieckaj vobłaści.
Nahadajem, što 21 vieraśnia baki kanfliktu abmianiałasia pałonnymi, va Ukrainu viarnulisia 215 čałaviek, uklučajučy najbolš viadomych abaroncaŭ «Azvastali» — Dzianisa Prakapienku «Radysa» z «Azova», Siarhieja Vałynskaha «Vałynu» z 36-j bryhady marskoj piachoty, i Śviatasłava Pałamara («Azoŭ»).
U liku abmienienych byli try ciažarnyja žančyny — Marjana Mamonava, Jana Šumavieckaja i Anastasija Čornieńkaja.
