Znajści
Ałharytmičny łacinski varyjant
25.09.2022 / 22:0429RusŁacBieł

«Treba ratavać Łukašenku ad Rasii». Daradca Cichanoŭskaj raspavioŭ, što Makiej kazaŭ pradstaŭnikam Zachadu ŭ kułuarach AAN

Franak Viačorka ŭ svaim kanale paćvierdziŭ, što kiraŭnik MZS Uładzimir Makiej sustrakaŭsia z pradstaŭnikami zachodnich krainaŭ, ale, pavodle jaho, sustrečy nie byli publičnymi. Viačorka napisaŭ, što Ofisu Cichanoŭskaj viadoma, pra što išła hutarka.

Pavodle Viačorki, pradstaŭniki zachodnich krain admovilisia ad publičnych sustreč z Makiejem, «bo dla ich heta pytańnie reputacyi. Ale pasłuchać Makieja pahadzilisia».

Viačorka śćviardžaje, što viedaje temy hutarak.

«1. Prośby pieraharnuć staronku. Namioki, što treba ratavać Łukašenku ad Rasii. Inačaj adbuducca takija ž refierendumy, jak va Ukrainie.

2. Prośby źniać sankcyi z kalijnaj haliny. Abhruntavańnie: hoład u śviecie. I ludzi nie pavinny ciarpieć praz sankcyi.

3. Abiacańnie pavolna vyzvalać palitviaźniaŭ pry ŭmovie, što nie budzie cisku. Pavodle jaho słovaŭ, nibyta ŭžo 35 vyzvalenyja (mabyć havorka pra tych, u kaho skončylisia terminy).

4. Biełaruś moža stać miedyjataram pamiž Ukrainaj i Rasijaj», — nazyvaje tezy Makieja na sustrečach Viačorka.

Daradca Cichanoŭskaj piša, što «my ŭžo ŭsio heta prachodzili». «I pamiatajem, jak Makiej klaŭsia, što nie budzie ataki ź biełaruskaj terytoryi. My pamiatajem, jak užo šmat razoŭ zachodnim palitykam zahavorvali zuby.

Chacia sam fakt, što Makiej pačaŭ zakidvać vudački, moža śviedčyć, što ciažka im tam stała, mocna prycisnuła. Strašna stała ad dumki, što Rasija nie pieramoža».

Viačorka piša, što pazicyja tut pavinna być pryncypovaja: «vyzvalenyja pavinny być usie, a nie 5 ci 30; rasijskija vojski vyviedzienyja z našaj terytoryi».

«Voś tady heta budzie sapraŭdy sihnał da dyjałohu. A pakul — čarhovaja sproba abduryć Zachad i narod», — robić vysnovu Viačorka.

Čytajcie taksama:

Kavaleŭski patłumačyŭ, čym vyklikany dypłamatyčny kanflikt pamiž MZS Biełarusi i Estonijaj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
201
Панылы сорам
21
Ха-ха
36
Ого
3
Сумна
3
Абуральна
21
0
Tyja chto/adkazać/
27.09.2022
Michał, ta šo vy kažacie? "sankcyi jak nia mieli ŭpłyvu tak i nia buduć mieć". Achacha! Surjozna? :D A čamu ž tady Makiej papiorsia tudy i pra kalijku razmaŭlaŭ? Napeŭna tamu, što "sankcii nie rabotajut"?
1
123/adkazać/
28.09.2022
o kak boty zašievieliliś, silno usatyj zadierhałsia

Tichanovskaja - naš priezidient!
1
123/adkazać/
28.09.2022
Zianon pieriełohińsia!
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930