Pryhožyn paćvierdziŭ svajo dačynieńnie da «PVK Vahniera» i raspavioŭ pra jaje stvareńnie ŭ 2014 hodzie
Biznesoviec Jaŭhien Pryhožyn, jakoha nazyvajuć «kucharam Pucina», raspavioŭ, što «pryvatnaja vajskovaja kampanija Vahniera» była stvoranaja im viasnoj 2014 hoda, «kali pačaŭsia hienacyd rasijskaha nasielnictva Danbasa».
Jaho zajava apublikavanaja pres-słužbaj kampanii «Kankord» u adkaz na zapyt redakcyi vydańnia «Błoknot», jakaja ŭdakładniaje, čamu Pryhožyn pierastaŭ chavać svajo dačynieńnie da PVK.
Sa słoŭ Pryhožyna, u 2014 hodzie jon, «jak i mnohija inšyja biznesoŭcy», jeździŭ na palihony, dzie źbiralisia «kazački», i sprabavaŭ nabrać hrupu, jakaja «pajedzie i abaronić rasijan». Adnak zrazumieŭšy, što hetyja ludzi jamu nie padychodziać, jon zaniaŭsia hetym sam.
«Sam pačyściŭ staruju zbroju, sam razabraŭsia z broniekamizelkami i znajšoŭ śpiecyjalistaŭ, jakija zmahli mnie ŭ hetym dapamahčy. Z hetaha momantu, 1 maja 2014 hoda, i naradziłasia hrupa patryjotaŭ, jakaja ŭ paźniej nabyła nazvu BTH «Vahnier», — cytuje pres-słužba Pryhožyna.
Pryhožyn zajaviŭ, što tolki dziakujučy advazie i mužnaści nabranych im bajcoŭ stała mahčymaje «vyzvaleńnie» Łuhanskaha aeraporta i mnohich inšych terytoryj, «a taksama karennym čynam źmianiŭsia los ŁNR i DNR».
«Ja doŭhi čas sychodziŭ ad udaraŭ mnostva praciŭnikaŭ z adnoj hałoŭnaj metaj — kab nie padstavić hetych chłopcaŭ, jakija źjaŭlajucca asnovaj ruskaha patryjatyzmu. A atrymlivaŭ pieramohu z hetaj nahody ŭ šmatlikich sudach, u tym liku za miažoj, tamu što ŭ luboj spravie zaŭsiody pavinna być miesca sportu i matčy treba vyjhravać na poli praciŭnika», — dadaŭ Pryhožyn.