U rasijskaj škole zastrelili 15 čałaviek. Što viadoma na dadzieny momant
Nieviadomy mužčyna ŭ čornym uvarvaŭsia ŭ kłas i pačaŭ stralać padčas uroka.
Kolkaść zahinułych z-za stralby ŭ škole Ižeŭska vyrasła da 15 čałaviek, siarod ich 11 dziaciej. Paranienyja ŭ vyniku zdareńnia 24 čałavieki, u tym liku 20 dziaciej.
Stralbu ŭ škole № 88 horada Ižeŭska adkryŭ ranicaj 25 vieraśnia nieviadomy mužčyna. Jon spačatku zastreliŭ adnaho achoŭnika, potym druhoha, potym pačaŭ stralać pa dzieciach.
Mnohija dzieci atrymali traŭmy, vyskokvajučy z akon,
Napadnik pakončyŭ z saboj, paviedamiŭ kiraŭnik Udmurtyi Alaksandr Brečałaŭ. SK udakładniaŭ, što napadnik byŭ apranuty ŭ čornuju majku z nacysckaj simvolikaj i bałakłavu. Dakumientaŭ pry im nie było, jaho asobu zaraz vyśviatlajuć pravaachoŭnyja orhany.
Vučni škoły ratavalisia ad stralby, skokajučy z voknaŭ navučalnaj ustanovy. U rehijonie ŭžo abviaścili žałobu.
