Znajści
Ałharytmičny łacinski varyjant
26.09.2022 / 11:51RusŁacBieł

Kantrabanda i finansavańnie pratestaŭ — palitźniavolenym pravaabaroncam «Viasny» ŭzmacnili abvinavačvańni

Pravaabaroncy Aleś Bialacki, Valancin Stefanovič i Uładzimir Łabkovič znachodziacca za kratami ŭžo 14 miesiacaŭ. Uvieś hety čas ich trymali pad vartaj pavodle č. 2 art. 243 Kryminalnaha kodeksa (niavypłata padatkaŭ), ale stała viadoma, što pravaabaroncam źmianili abvinavačvańni na bolš žorstkija. Ciapier im pahražaje ad 7 da 12 hadoŭ źniavoleńnia, paviedamlaje «Viasna».

Stała viadoma, što niadaŭna kryminalnaja sprava ŭ dačynieńni da Valancina Stefanoviča, mierkavana, Alesia Bialackaha i Uładzimira Łabkoviča, i inšych viasnoŭcaŭ pavodle č. 2 art. 243 Kryminalnaha kodeksa (niavypłata padatkaŭ) spynienaja.

Pravaabaroncaŭ abvinavačvali ŭ tym, što jany «nie zarehistravali arhanizacyju, jakoj kirujuć, va ŭstanoŭlenym paradku ŭ jakaści jurydyčnaj asoby, a taksama ŭ jakaści padatkapłacielščyka, i nie pradstavili adpaviednyja źviestki ŭ padatkovyja orhany, čym schavali ad padatkovych orhanaŭ źviestki ab vypłatach, asobaŭ, jakija vypłacili ad imia arhanizacyi pracy (jakija akazali pasłuhi) i ŭchililisia ad pryznańnia arhanizacyi padatkovym ahientam».

Ale Alesia Bialackaha, Uładzimira Łabkoviča i Valancina Stefanoviča nie vyzvalili z-pad varty — im vystavili novyja abvinavačvańni

Ciapier ich abvinavačvajuć u kantrabandzie (niezakonnym pieramiaščeńni praz mytnuju miažu Jeŭrazijskaha ekanamičnaha sajuza ŭ bujnym pamiery najaŭnych hrašovych srodkaŭ arhanizavanaj hrupaj) pavodle č. 4 art. 228 Kryminalnaha kodeksa i finansavańni hrupavych dziejańniach, jakija hruba parušajuć hramadski paradak, pavodle č. 2 art. 342 Kryminalnaha kodeksa. Viadoma, što pretenzii dziaržavy zastajucca ŭsio da toj ža sumy hrošaj, jakaja fihuravała ŭ abvinavačvańni za niavypłatu padatkaŭ, ale ciapier dziejańni pravaabaroncaŭ u dačynieńni da ich vyrašyli kvalifikavać pa-inšamu. Trom palitźniavolenym viasnoŭcam ciapier pahražaje ad 7 da 12 hadoŭ źniavoleńnia. Ich praciahvajuć utrymlivać za kratami.

Juryst «Viasny» Pavieł Sapiełka kamientuje novyja abvinavačvańni kaleham:

«Režym pavyšaje staŭki, vysoŭvajučy adno za inšym abvinavačvańni, — adno bolš niedarečnaje za inšaje. Spačatku našych kaleh pratrymali ŭ turmie bolš za hod pa abvinavačvańni, ad jakoha navat ciapier, padčas hłybokaha pravavoha kryzisu, im daviałosia admovicca. Ale na śviet źjaviłasia novaje — bolš niedarečnaje i bolš žorstkaje abvinavačvańnie, jakim kvalifikavali parušeńni pry pieramiaščeńni praź miažu hrošaj na dapamohu achviaram palityčnych represij i na padtrymku dziejnaści PC «Viasna». Pakidajučy za dužkami pytańnie ab tym, jak i nakolki heta ŭsio adpaviadaje faktam i paćviardžajecca adpaviednymi dokazami, chočacca atrymać ad uładaŭ adkaz na daŭniaje pytańnie: jakim čynam mahła vykonvać niejkija farmalnaści arhanizacyja, advolna (pa vysnovach Kamiteta pa pravach čałavieka AAN) pazbaŭlenaja rehistracyi?»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera