Znajści
Ałharytmičny łacinski varyjant
28.09.2022 / 22:321RusŁacBieł

U Baranavickim rajonie ŭviali masačny režym

U Baranavickim rajonie z 23 vieraśnia ŭviali masačny režym i abmiežavali masavyja mierapryjemstvy praz uzdym zachvorvańnia COVID-19, havorycca na sajcie Baranavickaha zanalnaha centra hihijeny i epidemijałohii.

Fota ilustracyjnaje

Kiraŭniki arhanizacyj abaviazany sačyć, kab rabotniki i naviedvalniki ŭstanoŭ nasili maski,kali niama mahčymaści vykonvać sacyjalnuju dystancyju (1-1, 5 mietra). Taksama maski pavinny nasić rabotniki ŭ arhanizacyjach achovy zdaroŭja, aptekach, hramadskim charčavańni, usich vidach transpartu.

Akramia taho, masačny režym uvodzicca na pramysłovych pradpryjemstvach, inšych abjektach i arhanizacyjach. Abaviazanyja nasić maski i supracoŭniki ŭstanoŭ adukacyi. Pry hetym va ŭstanovach adukacyi masačny režym taksama ŭvodzicca dla studentaŭ.

Taksama va ŭstanovach adukacyi admianiajucca masavyja mierapryjemstvy, a ŭ inšych arhanizacyjach — rekłamnyja i inšyja akcyi. Sanstancyja papiaredžvaje, što da 1 kastryčnika budzie prosta sačyć za vykanańniem hetych i inšych patrabavańniaŭ, a potym pačnie karać parušalnikaŭ.

Ministerstva achovy zdaroŭja apošnim časam kanstatuje rost zachvorvańnia COVID-19 u Biełarusi, ale ličbavych źviestak, pa jakich možna było b zaryjentavacca ŭ pamierach źjavy, nie daje.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
antiśvieta/adkazać/
28.09.2022
"a potym pačnie karać parušalnikaŭ."
rublom? nu viadoma ž - kaźnie duža nie chapaje hrošaŭ

ale ž ty padumaj - nie prajšło i 3-ch hod, jak rašyli ŭvieści žestačajšy masačny režym


Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera