Znajści
Ałharytmičny łacinski varyjant
29.09.2022 / 09:31RusŁacBieł

Rasija adviała 80% vojskaŭ ad miažy ź Finlandyjaj i krainami Bałtyi dziela vajny va Ukrainie

Aŭtarytetny časopis Foreign Policy paviedamlaje sa spasyłkaj za zachodnich vajskoŭcaŭ, što Rasija adviała ad svaich miežaŭ ź Finlandyjaj i krainami Bałtyi blizu 80% hrupoŭki, jakaja tam znachodziłasia.

Jak piša vydańnie, da ŭvarvańnia va Ukrainu ŭ hetym rehijonie znachodziłasia kala 30 tysiač rasijskich vajskoŭcaŭ, ale Maskvie daviałosia nakiravać na vajnu bolšaść ź ich, kab papoŭnić ciažkija straty.

U publikacyi cytujucca dva nienazvanyja jeŭrapiejskija supracoŭniki abaronnych viedamstvaŭ, jakija miarkujuć, što ŭ rajonie Kalininhrada i Bałtyjskaha rehijona zastałosia tolki kala 6 tysiač rasijskich vajskoŭcaŭ. Hetaja kolkaść moža źmianicca ŭ vyniku abvieščanaj u Rasii mabilizacyi, ale pryzvanyja na słužbu reziervisty, imavierna, buduć drenna navučanyja i padrychtavanyja, pišuć žurnalisty Foreign Policy.

«Pieradysłakacyja z hetaha rehijona za apošnija siem miesiacaŭ była vielmi značnaj, — skazaŭ vydańniu nienazvany vajskovy čynoŭnik adnoj sa skandynaŭskich krain. — Rasija mnohija dziesiacihodździ trymała kala nas suchaputnuju hrupoŭku, jakaja ciapier praktyčna vyparyłasia».

Pry hetym čynoŭnik adznačyŭ, što Rasija pa-raniejšamu zachoŭvaje ŭ rehijonie mahutnuju pavietranuju prysutnaść, i ad ukrainskaj vajny praktyčna nie paciarpieŭ Paŭnočny fłot. Ale Maskva pieramiaščaje z rehijona niekatoruju inšuju vajskovuju techniku, u tym liku sistemy SPA i rakiety, raźmieščanyja kala Sankt-Pieciarburha — pra heta niadaŭna paviedamlaŭ Finski hramadski viaščalnik Yle.

Jak piša Foreign Policy, značnaja kolkaść vajskoŭcaŭ, jakija byli pierakinutyja z rehijona Bałtyi na ŭkrainski front, naležali da 6-j ahulnavajskovaj armii, jakaja ŭ zvyčajny čas adkazvaje za abaronu miežaŭ Rasii z krainami Bałtyi i Finlandyi. Va Ukrainie ž hetaj armii daručyli vajavać u Charkaŭskaj vobłaści, dzie niadaŭna rasijskija siły paciarpieli surjoznaje paražeńnie.

Pry hetym dziejnyja i byłyja supracoŭniki jeŭrapiejskich abaronnych viedamstvaŭ skazali Foreign Policy, što ŭ doŭhaterminovaj pierśpiektyvie Rasija źjaŭlajecca pahrozaj dla rehijona, asabliva dla nievialikich krain Bałtyi. Niezaležna ad vynikaŭ vajny, Maskva adnović svoj vajenny patencyjał u Zachodniaj vajennaj akruzie.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
5
Панылы сорам
1
Ха-ха
3
Ого
2
Сумна
1
Абуральна
2
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930