Znajści
Ałharytmičny łacinski varyjant
29.09.2022 / 16:15RusŁacBieł

U Horkach mužčyna znajšoŭ «aŭtaručku», jakaja stralaje, i paraniŭ siabie ŭ žyvot

U Horacki RAUS Mahiloŭskaj vobłaści ad rabotnikaŭ miascovaj balnicy pastupiła paviedamleńnie pra pacyjenta, jaki pastupiŭ z dyjahnazam «ahniastrelnaje ranieńnie ŭ žyvot». Vyśvietliłasia, što 66-hadovy miascovy žychar streliŭ u siabie z samarobnaj pryłady, paviedamlaje Dziaržaŭny kamitet sudovych ekśpiertyz.

Pa słovach paciarpiełaha, jon znajšoŭ u svajoj haspadarčaj pabudovie patrony i mietaličny pradmiet, padobny da aŭtaručki. Hetyja pradmiety raniej naležali jaho baćku.

«Praź dzień-dva, užyŭšy śpirtnoje, piensijanier vyrašyŭ vyprabavać znachodku: ustaviŭ ŭ mietaličnuju pryładu patron i pasprabavaŭ zrabić ź jaje streł. Kali hetaha nie adbyłosia, mužčyna paviarnuŭ pryładu stvałom da sabie, i ŭ hety momant jana streliła. Hramadzianin atrymaŭ ranieńnie ŭ žyvot», — raskazała ekśpiertka Mahiloŭskaha mižrajonnaha adździeła Dziaržaŭnaha kamiteta sudovych ekśpiertyz Julija Asipionak. 

Balistyčnaja ekśpiertyza ŭstanaviła, što streliŭ pradmiet, vyrableny samatužnym sposabam u formie aŭtaručki, jakaja stralaje. Faktyčna jon źjaŭlajecca hładkastvolnaj ahniastrelnaj zbrojaj. Patrony da jaho akazalisia zavadskimi.

Pa hetym vypadku zaviedziena kryminalnaja sprava.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera