Znajści
Ałharytmičny łacinski varyjant
29.09.2022 / 23:587RusŁacBieł

Ukrainskija vojski akružyli Liman, Drobyšava. U katle — elitnyja rasijskija farmiravańni

29 vieraśnia ŭkrainskija vojski prarvali rasijskuju abaronu kala siołaŭ Staŭki i Zarečnaje.

Mapa stanu frontu na 29 vieraśnia pavodle «Rybaria».

Kiraŭnik «DNR» Dzianis Pušylin zajaviŭ siońnia ŭ Maskvie, što «pa linii frontu Limanski kirunak zastajecca samym składanym, ale zusim chutka budzie pierałom na karyść sajuznych siłaŭ». Frantavyja błohiery našmat bolš piesimistyčnyja.

«USU prarvalisia ŭ rajonie Staŭkoŭ i adrazajuć Drobyšava, — piša WarGonzo. — Prychodzić ekstrannaja infarmacyja ź miescaŭ, što … zmahli prarvacca da trasy Torskaje—Drobyšava ŭ rajonie Staŭkoŭ, faktyčna adrezaŭšy takim čynam Bars-13 («Ruski Lehijon») ad asnoŭnaj trasy. Idzie žorstki boj. … Situacyja vielmi ciažkaja».

Kala 17-j hadziny dnia ŭkrainskija vojski kančatkova zachapili Jampal, pierarezaŭšy darohu Liman—Kramiannaja, pišuć u niekatorych rasijskich čatach. Adnak rasijskija vajenkary, jakija zvyčajna prycharošvajuć rečaisnaść, śćviardžajuć, što za Jampal jašče iduć bai.

«Praciŭnik nanosić asnoŭny ŭdar pad Jampalem i na Torskaje … Atakuje bujnymi siłami pry padtrymcy artyleryi, Chajmarsaŭ i braniatechniki. Siońnia budzie vielmi składanaja noč i zaŭtra vielmi składany dzień», — piša prapahandyst «Staršie Eddy».

«Bieź pierakidvańnia značnych padmacavańniaŭ i kancentracyi ŭvahi kamandavańnia US RF na Limanskim kirunku isnuje surjoznaja ryzyka padzieńnia Limana i dalejšaha abvału abarončych paradkaŭ US RF na zachodnich miežach «Łuhanskaj Narodnaj Respubliki», — piša inšy błohier, «Rybaŕ».

«USU padciahnuli dadatkovyja siły i prarvali front u rajonie Drobyšava — Ctaŭki. Mahčyma, varta pastavić pytańnie tak, kab pamianiać niešta ŭ kamandavańni 20-j armii? Nu ci padciahnuć niejkija jašče reziervy, — bje tryvohu błohierka Dołharava. — Limana škada, «Ruskaha lehijona» škada, kamandavańnia «dvaccatki» nie vielmi», — šukaje vinavatych błohierka-šavinistka.

Ukrainskaje kamandavańnie paviedamlaje pra vyzvaleńnie nasielenych punktaŭ tolki paśla taho, jak nad imi ŭstanoŭleny praciahły kantrol, pra situacyju pad Limanam pakul nijak nie paviedamlaje.

Paŭnočniej ukraincy stvaryli šmatlikija płacdarmy na levym bierazie raki Askoł i nastupajuć ad Łazavoj, Kupianska dy Dvurečnaj u kirunku Baravoj i Svatava.

Svatava — rajcentr na poŭnačy Łuhanskaj vobłaści, da vajny ŭ im žyło 16 tysiač čałaviek. Rasijskija vojski akupavali horad 6 sakavika, na 11-y dzień vajny.

Vyzvaleńnie Svatava mieła b jak stratehičnyja, tak i maralnyja nastupstvy.

Heta byŭ by pieršy vyzvaleny rajcentr Łuhanskaj vobłaści, jakaja na siońnia amal całkam kantralujecca rasijskimi vojskami.

U vyniku imklivaha nastupu 5—10 vieraśnia ŭkrainskaja armija vyzvaliła Bałakleju, Kupiansk, Izium i Vaŭčansk, a rasijskija złučeńni chaatyčna adstupili na levyja bierahi rek Sievierski Daniec i Askoł. U vyniku rasijanam nie ŭdałosia stvaryć nadziejnaj linii abarony pa hetych rekach, jak jany spadziavalisia, ale i ŭkrainskaja armija nie zaniała z nalotu Liman i Svatava.

Bai roznaj intensiŭnaści na podstupach da hetych haradoŭ praciahvajucca ŭžo amal dva tydni.

Adnačasova rasijskija błohiery i kamandzir Alaksandr Chadakoŭski paviedamili, što rasijskija vojski pakinuli raniej zachoplenyja pazicyi ŭ Marjincy i Piaskach pad Danieckam.

U toj ža čas pad Chiersonam i Zaparožžam praciahvajucca pazicyjnyja bai.

Vyhladaje, što reziervy rasijskaha kamandavańnia vyčarpalisia, i spadziavacca Rasii zastajecca tolki na novych mabilizavanych. Što da Limana, to možna čakać, što rasijskija čaści pasprabujuć prarvać akružeńnie.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Ttt/adkazać/
30.09.2022
Žieleznyj Drovosiek , v kndr tožie niet protiestov. Intieriesno počiemu? Možiet potomučto protiestnych kalečat v mvd? Mało žiełajuŝich zmahaťsia s vooružiennymi lud́mi hołymi rukami. Možiet Potomu čto eto nieeffiektivno?
0
šmal/adkazać/
01.10.2022
Elitnyje, tak nado sdiełať, čtoby oni bolšie nie vojevali.
0
R6619/adkazać/
02.10.2022
U pałon nie brać...
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera