«Ciopłyja dałoni». Na vystavie ŭ Minsku pradstaviać karciny ź lamcu
Bolš za 30 karcin z lamca pradstaviać 5 kastryčnika na vystavie Iryny Kaleśnikavaj «Ciopłyja dałoni» ŭ Haradskoj mastackaj halerei tvoraŭ Leanida Ščamialova, paviedamlaje BiełTA.
«Iryna Kaleśnikava pracuje ź lamcam užo bolš za 12 hadoŭ i stvaraje svoj unikalny suśviet. U ciopłych dałoniach mastački zvyčajnaja poŭść pieratvarajecca ŭ samabytnyja abjomnyja karciny, na jakich kazka stanovicca realnaściu, napoŭnienaj jarkimi, kranalnymi i ščyrymi piersanažami», — raspaviali ŭ halerei.
Na vystavie «Ciopłyja dałoni» pradstaviać bolš za 30 rabot, vykananych u aŭtarskaj technicy abjomnaha lamcavańnia ŭ pieryjad z 2014 pa 2022 hod.
Lamiec — heta vid nieprasavanaha i niatkanaha tekstylu z naturalnaj voŭny, a kačańnie lamca — adna z samych staražytnych technik vyrabu vyrabaŭ z voŭny.
Vystava «Ciopłyja dałoni» adkryjecca 5 kastryčnika ŭ 18.00. Praca ekspazicyi praciahniecca pa 6 listapada.
Iryna Kaleśnikava naradziłasia ŭ Minsku ŭ 1979 hodzie. U 2005 hodzie skončyła Minski dziaržaŭny linhvistyčny ŭniviersitet. U 2009 hodzie ŭ mižnarodnym prajekcie «U pošukach svaich karanioŭ i siabie sučasnaj» paznajomiłasia z technikaj lamcavalańnia i skončyła škołu valańnia z voŭny ŭ tvorčym abjadnańni «Vaŭnianaj šafa». Z 2009 hoda Iryna Kaleśnikava aktyŭna ŭdzielničaje ŭ mastackich vystavach.
