Znajści
Ałharytmičny łacinski varyjant
04.10.2022 / 11:367RusŁacBieł

Žurnalisty znajšli ŭ kramie tufli za 96 kapiejek i zrabili ich kraš-test. Vynik biantežyć

Žurnalisty Onliner u kramie kanfiskatu «Vaš vybar» znajšli tannyja baletki canoju mienš za rubiel. Jany pravieryli ich jakaść.

 

Tufli, jakija pa vonkavym vyhladzie mohuć nahadać dziciačyja češki, apynulisia zvyčajnymi baletkami na płastykavaj padešvie. Miarkujučy pa infarmacyi na ceńniku, jany zroblenyja ŭ Kitai. Vierch — sa štučnaj skury, padešva poliuretanavaja. Raniej jany kaštavali 19 rubloŭ 22 kapiejki, ciapier na takija hrošy možna kupić dvaccać par hetych baletak.

Karobku da pary nie dali, zatoje spakavali jaje ŭ pakiet — biaspłatny. Nijakaj harantyi i prava na viartańnie z-za braku — takija praviły, heta kanfiskavany tavar.

Sproba znajści takija baletki ŭ internecie pa naźvie firmy (Salinna) i artykule pravaliłasia. Zatoje znajšli vodhuki pra ich u internecie. Tam pišuć niešta ŭ styli «tanna i nienadoŭha». Miarkujučy pa kamientaryjach, takija tufli ŭ Rasii možna było ŭziać za 300 miascovych rubloŭ — heta 12 biełaruskich.

Kraš-test

Tufli pachnuć jak tannyja dziciačyja cacki z płastyku, ale heta kali vy budziecie prydzirliva pryniuchvacca. Kali pryjdziecie ŭ takim abutku na pracu, to naŭrad ci budziecie pachnuć štučnaj skuraj na ŭvieś kabiniet.

Nadzieńcie hetyja tufli z darahim adzieńniem, i nichto nie zrazumieje, što jany niejkija asablivyja. Žurnalist redakcyi skazaŭ, što padobnyja tufli nabyła jaho dziaŭčyna, ale za 320 rubloŭ, z naturalnaj skury.

Afarboŭka skury raŭnamiernaja, choć kali pryhledziecca, to vy ŭbačycie, što pravy tufiel bolš hlancavy, levy bolš matavy.

Dziaŭčyna, jakaja prymiarała tufli za 96 kapiejek, skazała pra ich voś što: «Lohkija, zručnyja. U ich tonkaja padešva, na vulicy budzie adčuvacca kožny kamieńčyk. A voś na źmienu — całkam narmalna».

Ślady kleju nidzie nie bačnyja. Usie švy roŭnyja, akuratnyja. Unutry tekstylnaja vuściłka. Zadnik umacavany materyjałam, jaki pa kolery nahadvaje kardon, ale heta štučnaja skura.

Pravierka na vadaŭstojlivaść

Žurnalisty adpraŭlujajuu tufiel u taz, nalivajuć vadu. Tufiel nie tonie, a płavaje karablikam. «Viadoma, jon pramoknie», — takoje mierkavańnie vykazaŭ skieptyk.

Tufiel praz 20 chvilin usiaredzinie suchi. Taki ž suchi zastajecca i praz 30, i praz 40 chvilin płavańnia ŭ tazie.

Parvać zadnik i adadrać padešvu

Tufiel stojka vytrymlivaje sprobu parvać zadnik — švy zastajucca cełymi.

Padešva pryklejenaja praktyčna namiortva, ale kali teściroŭščyki sprabujuć adździalić jaje ad tufli, skura na zadniku trochi zdajecca i łopajecca z-za raściažeńnia. Zatoje nos i baki ŭsio vytrymlivajuć.

Hnutkaść padešvy

Skieptyk, jaki naziraŭ za testam, vykazaŭ zdahadku, što hetaja padešva razłamajecca na dźvie častki, kali tufli skłaści ŭdvaja. I znoŭ-taki — tufli demanstrujuć stojkaść. Skura taksama zastajecca ŭ paradku — nijakich raskolin i navat surjoznych załomaŭ.

Vuściłka

Jaje dapamahaje vyrvać mocny mužčyna — znoŭ ździŭlaje jakaść vyrabu abutku. Unutry — niejki palimierny materyjał i kardon. Kardon? Nie dziviciesia, heta zvyčajnaja sprava — u vašym abutku, mahčyma, jon taksama jość.

Reziume

Tut toj samy vypadak, kali realnaść pieraŭzychodzić čakańni. Tufli zroblenyja dychtoŭna, dobra prašytyja, jak śled praklejenyja. Jość vierahodnaść, što daloka vy ŭ takich tuflach nie sydziecie, kali vyrašycie nasić ich na vulicy. Tym nie mienš — top za svaje hrošy, navat kali b ich kupili bieź źnižki — za 19 rubloŭ.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
"trusy po rublu. vsie po rublu" - nadpis u sekandzie/adkazać/sačyć
04.10.2022
nu nie moža takoha być. 96 kop. heta niejki rozyhryš
04.10.2022
chacia... voś kažuć, što takimi "češkami" pracoŭnych snabžajuć - pracoŭnym abutkam
0
čipsy iz kartofielnoj kožury - eto vysokaja kuchnia/adkazać/sačyć
05.10.2022
tiepieŕ tuchli za 96 kop...
k čiemu eto nas, intieriesno, hotoviat? nieužieli k połniejšiemu Apokalipsisu?
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031