Znajści
Ałharytmičny łacinski varyjant
04.10.2022 / 16:2012RusŁacBieł

KDB zrabiŭ novuju sprobu dyskredytavać Sachaščyka. Toj nazyvaje hety ŭkid cyrkam

Toj ža samy akaŭnt, źviazany sa śpiecsłužbami, jaki skidvaŭ žurnalistam fota rasijskaha pašparta Valeryja Sachaščyka paśla vobšuku ŭ jaho biełaruskim domie, znoŭ vyjšaŭ na suviaź i skinuŭ fota paśviedčańnia, jakoje nibyta naležyć Sachaščyku. 

Žurnalistam dasłali paśviedčańnie na imia Sachaščyka ab atrymańni nahrudnaha znaka ad hałoŭnaha ŭpraŭleńnia kontrvyviedki KDB. «Za ŭzajemadziejańnie», — napisana ŭ paśviedčańni. Data vydačy — 14 śniežnia 2016-ha. 

Što na heta kaža Sachaščyk, «ministr abarony» ŭ Abjadnanym pierachodnym kabiniecie?

«Heta cyrk. Chaj pakažuć majo fota z hetym značkom. Ja ź leta 2016-ha nie žyvu ŭ Biełarusi. I nikoli nie supracoŭničaŭ z KDB. Fejk», — adrezaŭ jon. 

Našy surazmoŭcy z vajskovaj śfiery ličać, što taki znak sapraŭdy moh być vydadzieny, ale ŭ ramkach cyrymanijału i masavaj rassyłki. 

«Časam dasyłajuć roznaje. Heta ž nie orden.

Jak minimum, načalnik bryhady, kim byŭ Sachaščyk, pa linii kontrvyviedki niejkija pravierki pavinien byŭ prachodzić, a taksama prymać rašeńni pa ludziach, jakich «brakavała kontrvyviedka». Tut mnie cikaviej daviedacca, ci jość zapis pra heta ŭ asabistaj spravie ŭ vajenkamacie. Bo pra taki nahrudny znak ułaśnik pavinien zajavić u vajenkamat sam. A kali nie było, nu to mietałałom — vysłali pa pošcie, jaho nichto nie zabraŭ. Takoje byvaje», — skazaŭ naš surazmoŭca z vajskovaj śfiery.

Śpiecsłužby pry pieratrusie znajšli ŭ Sachaščyka rasijski pašpart. Jak heta tłumačyć sam aficer?

«Kiejs Sachaščyka»: a kolki jašče pałkoŭnikaŭ i hienierałaŭ biełaruskaj armii majuć pad paduškaj rasijski pašpart?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
7
Ха-ха
46
Ого
0
Сумна
0
Абуральна
5
0
Juzik/adkazać/
05.10.2022
A mianie ŭ hetaj historyi ździviła samo isnavańnie takoho značka. Chto, cikava, u zdarovym rozumie nacepić na siabie śviedčańnie taho, što jon uzajemadziejničaje z KDB? Heta ž dadumacca treba!
0
Niemiezida/adkazać/
05.10.2022
Juzik, dyk znački ž čaplajuć na mundzir. :) A mundzir viešajuć u šafu. U kramu, na dyskateku, ci na budoŭlu ŭ jaho nie apranajucca...bo ŭ zdarovym, jak vy zaŭvažyli, rozumie... što vas jašče dzivić ?
0
sčiotčik Hiejhiera/adkazać/
06.10.2022
značit oooooooooooooooooočień Bojaťsia, osobienno łuka. Vsie diktatory vnačale sovieršajut priestuplenija nie obraŝaja vnimanija na Zakony, potom, kohda ich nienavidit absolutnoje bolšinstvo žitielej strany, on ( diktatory) iŝut puti spasienija. łuka nie isklučienije.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930