Znajści
Ałharytmičny łacinski varyjant
06.10.2022 / 11:371RusŁacBieł

Raskoł macnieje. Praz vajnu ŭžo navat adzinarosy krytykujuć rasijskija ŭłady

Rasijanie viedajuć, što Minabarony niedahavorvaje pra padziei va Ukrainie, a pra razbureńni ludziam davodzicca daviedvacca ad hubiernataraŭ i vajenkaraŭ. Z takoj zajavaj vystupiŭ kiraŭnik kamiteta Dziarždumy pa abaronie, hienierał-pałkoŭnik Andrej Kartapołaŭ z «Adzinaj Rasii», piša «Kommiersant». 

Fota: AR

«Treba pierastać chłusić. My nie raz pra heta kazali. Ale niejak nie dachodzić da asobnych kiraŭnikoŭ. Ja čytaŭ zvodki Saŭinfarmbiuro za 1941 hod, kali niemcy praryvalisia da Maskvy. Tam adkryta kazali, što niedzie my adychodzim», — skazaŭ Kartapołaŭ u efiry prahramy «Sałaŭjoŭ Live».

Jon zajaviŭ, što ŭsie pryhraničnyja vioski Biełharadskaj vobłaści praktyčna razburanyja. «My pra heta daviedajemsia ad kaho zaŭhodna — ad hubiernataraŭ i vajenkaraŭ. Ale zvodki Minabarony nie mianiajucca. Narod viedaje. U nas narod nie durny. I jon bačyć, što jamu nie žadajuć kazać navat častku praŭdy. Heta moža pryvieści da straty kredytu davieru», — adznačyŭ kiraŭnik dumskaha kamiteta pa abaronnaj palitycy.

Kartapołaŭ i staršynia kamiteta Dziarždumy pa biaśpiecy i supraćdziejańni karupcyi Vasil Piskaroŭ źviarnulisia da hienieralnaha prakurora z prośbaj razabracca ŭ zabieśpiačeńni tyłu.

«Dva staršyni našych kamitetaŭ — pa biaśpiecy i pa abaronie — napisali list hienieralnamu prakuroru z prośbaj razabracca, kudy ž usio heta ŭ tyle padziełasia, tamu što finansavańnie tyłu pravodziłasia ŭ minułym u poŭnym abjomie. Uvaha, pytańnie: dzie?» — skazaŭ člen kamiteta Dziarždumy pa abaronie Andrej Huruloŭ u efiry telekanała «Rasija-1».

Minabarony nieadnarazova apošnim časam padviarhałasia krytycy šerahu rasijskich aficyjnych asob. Naprykład, kiraŭnik Čačni Ramzan Kadyraŭ raskrytykavaŭ kamandujučaha Centralnaj vajennaj akruhaj hienierał-pałkoŭnika Alaksandra Łapina za stratu Limana.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
7
Панылы сорам
2
Ха-ха
50
Ого
1
Сумна
0
Абуральна
0
0
Olenievod/adkazać/
06.10.2022
Liciemiery. Vy tam vsie vorujetie. Užie by nie vyjeb.. Pravdoiskatieli. U vas tam viezdie vrańje. Ot vyborov priezidienta do poborov v dietskij sadik. Na vopros hdie? Naprašivajetsia otviet v rifmu. Otmieniajtie zakony i vvoditie «poniatija». Rašisty.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera