U Indyi adkryłasia fabryka pa pierapracoŭcy niedakurkaŭ u miakkija cacki
Indyjec Naman Hupta adkryŭ na ŭskrainie indyjskaj stalicy Deli fabryku pa pierapracoŭcy niedakurkaŭ u miakkija cacki. Z cyharetnych filtraŭ tam robiać nabivańnie dla pradukcyi. Za hod supracoŭniki pierapracoŭvajuć miljony niedakurkaŭ u tony vałakna, piša Reuters.
Vałokny cyharetnych filtraŭ u bavoŭnaačyščalnaj mašynie
Spačatku rabočyja adździalajuć filtr ad abałonki i reštkaŭ tytuniu — ź ich robiać pierapracavanuju papieru i kampostny parašok. Zatym filtr raździalajuć na vałokny. Ich adbielvajuć i čyściać u bavoŭnaačyščalnaj mašynie. Atrymanym materyjałam žančyny nabivajuć cacki i paduški.
Pa źviestkach Suśvietnaj arhanizacyi achovy zdaroŭja, kurać amal 30% darosłych indyjcaŭ — heta 267 miljonaŭ čałaviek. Na haradskich vulicach paśla ich zastajucca tony niedakurkaŭ. Fabryka Namana Hupty takim čynam dapamahaje padtrymlivać stalicu ŭ čyścini.
a jašče jaho peŭna impartujuć u Kitaj. dzie ŭžo kitajcy nabivajuć miakkija cacki hetym "kampostnym paraškom". a potym hetyja cacki kuplajuć našyja ŭžo kurcy. nu ci vyciahvajuć z hulniavych aŭtamataŭ