Litva pakazała, jak biełaruskija pahraničniki psujuć aharodžu na miažy i spryjajuć nielehalnaj mihracyi VIDEA
Nočču sierady litoŭskija pahraničniki z dapamohaj sistemy videanazirańnia zafiksavali 12 čałaviek pobač ź dziaržaŭnaj hranicaj na terytoryi Biełarusi. 7 ź ich byli mihrantami, 2 — pahraničnikami ŭ formie i sa zbrojaj, jašče traich litoŭski bok nazyvaje pradstaŭnikami śpiecsłužb.
Pahraničniki razrezali kalučy drot, potym mietaličnyja siehmienty płota i pałamali varoty. Praź dzirku vyšturchnuli zamiežnikaŭ, jakich tut ža zatrymali litoŭcy.
Piaciora biełarusaŭ uciakli ź miesca zdareńnia i z kustoŭ sačyli za litoŭskimi pahraničnikami. Praz hadzinu jany sieli ŭ słužbovy UAZ i źjechali ŭzdoŭž miažy. Paźniej mašynu zaŭvažyli na patrulnaj darozie, siudy staronnija asoby prajści nie mohuć.
Paśla praviadzieńnia nieabchodnych pracedur, mihrantaŭ viarnuli ŭ Biełaruś.
