Znajści
Ałharytmičny łacinski varyjant
08.10.2022 / 11:441RusŁacBieł

6 trendaŭ u makijažy na hetuju vosień i zimu 

U novym siezonie budzie papularny makijaž ź jarkimi akcentami. Jość i niečakanyja trendy ź minułaha. Sabrali dla vas modnyja tendencyi u bjuci-śviecie.

Efiekt źziajučaj skury

Fota: photo-hair.ru 

Dla stvareńnia takoha efiektu vam spatrebicca śviatłoadbivalny prajmier (baza pad makijaž). Jaho možna nanosić na ŭvieś tvar ci na niekatoryja ŭčastki, jakija treba padśviacić.

Nastupny krok — naniasieńnie tanalnaj asnovy. Važna raŭnamierna nanieści ton, vykarystoŭvajučy lohki tanalny krem abo BB-krem dla tvaru.

Dla taho, kab zamacavać ton, treba pudra. Nanosić jaje varta tonkim płastom, vykarystoŭvajučy puchnaty pendzal.

Fota: photo-hair.ru

Darečy, rassypistaja pudra daje lahčejšaje i bolš naturalnaje pakryćcio na skury.

Apošni etap — naniasieńnie chajłajtara na jabłyčki ščok, ptušačku nad vierchniaj huboj i na śpinku nosa. 

Kali pad rukoj niama chajłajtara, skarystajciesia śvietłymi mihatlivymi cieniami biełaha ci ružovaha adcieńniaŭ. 

Sinija cieni dla paviek

Fota: vogue.ru

Trend, jaki viartajecca da nas ź minułaha. Mnohija ŭspomniać pradavačak z błakitnymi cieniami.

Lepš za ŭsio jany hladziacca na blednaj skury z čornymi abo biełymi vałasami, na ŭładalnicach karych, šerych, šera-błakitnych vačej. Jašče jany vydatna dapaŭniajuć makijaž vielmi smuhłych žančyn.

Jak nasić?

Samym aptymalnym varyjantam budzie vykarystańnie dvuch adcieńniaŭ — śvietłaha i ciamniejšaha. Pieršym nanosicca śvietłaje adcieńnie na ŭsio pavieka.

Ciomnaje adcieńnie błakitnaha ci siniaha varta nakłaści na kontur vierchniaha pavieka. 

Dalej idzie padvodka. Dobra budzie hladziecca ciomna-siniaja ci indyha. A voś tuš moža być i čornaj, i siniaj.

Hlancavyja cieni dla paviekaŭ

Fota: makeup.com 

Niedachop takich cieniaŭ — ustojlivaść. Hlancavaje pakryćcio moža skrucicca ŭ zmorščynie vierchniaha pavieka.

Tut dapamoža prajmier, jaki vyraŭnuje pavierchniu skury, zapoŭnić marščynki i namiortva «prylepić» cieni.

Rastušavany makijaž vusnaŭ

Fota: elle.ru

Hety mietad naniasieńnia pamady, pry jakim jana kancentrujecca ŭ centry vusnaŭ i rastušoŭvajecca vonki, stvaraje vydatny efiekt nibyta paśla pacałunkaŭ. 

Kab rastušavać pamadu, možna vykarystoŭvać padušački palcaŭ. Dla miakkaha konturu vykarystoŭvajcie nievialiki pendzal.

Źlohku rastušavany kontur vusnaŭ robić vobraz miakčejšym i dalikatniejšym.

Kacinyja strełki ź jarkimi akcentami

Fota: Legion-Media

Heta viečnaja kłasika, jakaja adsyłaje nas da staroha Halivudu.

U hetym siezonie nad čornaj linijaj prapanoŭvajuć pravieści kalarovuju, naprykład, błakitnuju ci jarka-ružovuju. 

Jašče adzin cikavy sposab zrabić jarki akcent — padkreślić kalarovaj padvodkaj unutranyja kutki vačej.

Puchnatyja brovy

Sutnaść trendu zaklučajecca ŭ začesvańni vałasinak navierch, ale pry hetym nie zanadta staranna. 

Začasanyja ŭvierch brovy zdajucca huściejšymi, a pohlad raschinutym.

Čytajcie taksama:

«Pad 400 rubloŭ na miesiac». Biełaruski raskazali, kolki hrošaj traciać na kaśmietyku i čym karystajucca

«Apošni raz farbavałasia 10 hadoŭ tamu». Biełaruski raskazali, čamu admovilisia ad makijažu i jak na heta reahujuć mužčyny

H&M usio ž sychodzić ź Biełarusi. Kramy adčyniać, kab raspradać tavar

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Aniołak/adkazać/
08.10.2022
Začasanyja ŭvierch brovy zdajucca nie huściejšymi, a začasanymi ŭvierch.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera