Recept na vychadnyja. Śvinina ŭ sousie z koły — aryhinalnaja strava z azijackim kałarytam

Fota: BBC Food

Dla hetaha recepta vam spatrebicca:

• 450 hramaŭ śvinoj hrudki, parezanaj na kavałki
• 1 stałovaja łyžka masła
• 3 bujna pasiečanyja zubčyki časnaku
• 1 kavałak imbiercu pamieram z palec (treba jaho pasiekčy niadrobna)
• 3 ščypiery zialonaj cybuli, parezanyja vialikimi kavałkami
• 1 stałovaja łyžka tamatnaj pasty (možna zamianić na kietčup, lepiej brać šašłyčny)
• 1 čajnaja łyžka harčycy
• 3 stałovyja łyžki sojevaha sousu
• 1 stałovaja łyžka miodu
• 150 mililitraŭ koły
• sol
• pa žadańni — śviežaja kalandra (kinza) i narezany pierac čyli dla padavańnia

1. Źmiaścicie kavałki śvininy ŭ kastrulu i zalicie ich kipiačaj vadoj, kab vada zajmała dźvie traciny kastruli. Dadajcie soli i daviadzicie da kipieńnia. Varycie śvininu nie mienš za 15 chvilin, najlepš 40 chvilin, kali vada budzie vykipać, dalivajcie jaje. Źlicie vodu i prasušycie miasa na kuchonnym ručniku.
2. Kab pryhatavać sous, źmiašajcie ŭ miscy tamatnuju pastu, harčycu, sojevy sous, miod i kołu. Adstaŭcie ŭbok.
3. Rastapicie masła ŭ voku ci na vialikaj patelni na siarednim ahni. Pakładzicie tudy śvininu i absmažvajcie jaje z adnaho boku 2 chviliny ci pakul miasa dobra nie padpiačecca. Pieraviarnicie śvininu i piačycie jaje na inšym baku, pakul miasa nie padrumianicca i nie stanie chrumstkim. Budźcie ŭvažlivyja, bo miasa moža stralać tłuščam.
4. Dadajcie ŭ patelniu narezanyja časnok, imbierac i zialonuju cybulu i smažcie ich razam sa śvininaj 10-20 siekundaŭ, adnačasova z hetym pamiešvajcie sumieś. Zalicie sousam i tušycie sumieś na mocnym ahni 1—2 chviliny, pry hetym pieramiešvajcie miasa, kab jano pakryłasia sousam.
5. Padavajcie śvininu razam z łokšynaj ci rysam, pry žadańni pasypcie jaje kalandraj i piercam čyli.

Recept na vychadnyja: dorsecki jabłyčny piroh

Recept na vychadnyja. Harbuzovy sup — karysna, husta, ciopła

Recept na vychadnyja. Kiš z syru i cybuli — prostaja francuzskaja strava

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

7

1

0

0

0

2