Znajści
Ałharytmičny łacinski varyjant
01.11.2022 / 07:59RusŁacBieł

ISW: Minabarony Rasii padmanvaje, abiacajučy nie adpraŭlać sałdat terminovaj słužby va Ukrainu

Amierykanski instytut vyvučeńnia vajny (ISW) u čarhovaj zvodcy-analizie piša, što, ź jaho punktu hledžańnia, Ministerstva abarony Rasii padmanvaje suhramadzian, zajaŭlajučy, što sałdaty terminovaj słužby vosieńskaha pryzyvu, jaki pačynajecca ŭ aŭtorak, nie buduć adpraŭlenyja na vajnu.

«Pryzyŭniki amal napeŭna buduć adpraŭlenyja va Ukrainu ŭ sakaviku ci krasaviku 2023 hoda, paśla taho, jak projduć padrychtoŭku, a mohuć być adpraŭlenyja i raniej, kali spatrebicca reahavać na pieramieny na palach bitvaŭ», — śćviardžaje ISW.

Pa zdahadcy analitykaŭ instytuta, Minabarony padmanvaje suhramadzian, u pryvatnaści dla taho, kab praduchilić masavaje ŭchileńnie ad pryzyvu.

U papiaredniaj, niadzielnaj zvodcy ISW vykazvaŭ zdahadku, što Pucin spadziajecca pry dapamozie «častkovaj mabilizacyi» ŭtrymać pazicyi va Ukrainie da viasny, a zatym, paśla zakančeńnia viasnovaha biezdarožža, pierałamać situacyju, kinuŭšy ŭ boj masu śpiecham padrychtavanych pryzyŭnikoŭ.

Pry hetym analityki ličać, što nadziei Pucina nie spraŭdziacca: reziervisty i pryzyŭniki pierałamać situacyju na frantach nie zmohuć.

Rasijskija hienierały zapeŭnivajuć, što pryzyŭnikoŭ ciapierašniaha pryzyvu nie buduć adpraŭlać ni na akupavanyja terytoryi, jakija Rasija abviaściła svaimi, ni naohuł va Ukrainu.

«Hramadzianie, pryzvanyja na vajskovuju słužbu, nie buduć nakiroŭvacca dla jaje prachodžańnia ŭ vajskovyja čaści na terytoryi Danieckaj i Łuhanskaj narodnych respublik, Zaparožskaj i Chiersonskaj abłaściej, a taksama nie buduć pryciahvacca da ŭdziełu ŭ śpiecyjalnaj vajskovaj apieracyi na Ukrainie», — cytavali napiaredadni rasijskija ahienctvy načalnika hałoŭnaj arhanizacyjna-mabilizacyjnaj upravy rasijskaha hienštaba Jaŭhiena Burdzinskaha.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
1
Панылы сорам
5
Ха-ха
0
Ого
0
Сумна
0
Абуральна
0
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera