Znajści
Ałharytmičny łacinski varyjant
01.11.2022 / 15:381RusŁacBieł

Jak biełarusam atrymać mižnarodnuju abaronu ŭ Polščy

Dla ludziej, jakija stali achviarami palityčnaha pieraśledu i nie mohuć viarnucca na radzimu, u Polščy praduhledžanaja śpiecyjalnaja pracedura. Pa joj možna biesterminova znachodzicca ŭ krainie, pracavać, vyjazdžać za miažu i vieści biznes. Havorka idzie pra mižnarodnuju abaronu. Mostmedia raskazvaje, kamu jana pasuje, u čym jaje plusy i jak jaje atrymać.

Infarmacyja aktualnaja na 28 kastryčnika 2022 hoda.

Mižnarodnaja abarona— śpiecyjalnaja pracedura pa lehalizacyi ŭ Polščy dla tych, chto abhruntavana aścierahajecca pieraśledu ŭ svoj adras u krainie pachodžańnia pa pryčynie:

rasy;
nacyjanalnaści;
vieravyznańnia;
palityčnych pierakanańniaŭ;
prynaležnaści da peŭnaj sacyjalnaj hrupy.

Što daje mižnarodnaja abarona

Status mižnarodnaj abarony ŭ Polščy — biesterminovy, jon nie pazbaŭlaje zajaŭnika hramadzianstva, ale dazvalaje pastajanna pražyvać u Polščy, pracavać, adkryvać IP, vyjazdžać za miažu, atrymlivać sacyjalnyja vypłaty ad dziaržavy i dapamohu ŭ vyvučeńni polskaj movy, a paśla, pry žadańni, atrymać hramadzianstva.

U Polščy mižnarodnaja abarona ŭklučaje dźvie formy: status biežanca i dadatkovuju abaronu. Zajaŭnik padaje adnu zajavu, a orhan pa spravach zamiežnikaŭ prymaje rašeńnie, jakuju formu abarony dać u hetym vypadku. Status dadatkovaj abarony dajecca zajaŭnikam značna čaściej, čym status biežanca.

Važna! Majučy status mižnarodnaj abarony, vy nie zmožacie jeździć u Biełaruś abo naviedvać konsulskija ŭstanovy — bo heta budzie śviedčyć pra toje, što vam ničoha nie pahražaje i abarona vam nie patrebnaja.

Bieź vizy, jakaja daje dostup da rynku pracy (naprykład, humanitarnaj), paśla padačy na mižnarodnuju abaronu vy nie zmožacie pracavać da taho momantu, pakul nie atrymajecie stanoŭčaha rašeńnia i nie aformicie kartu pobytu — heta zojmie kala 6 miesiacaŭ.

Jak biełarusu atrymać mižnarodnuju abaronu ŭ Polščy

Treba dakazać orhanu pa spravach zamiežnikaŭ, što vy nie možacie viarnucca ŭ Biełaruś. Śpis mahčymych dokazaŭ nie abmiežavany:

— pratakoły zatrymańniaŭ, pastanovy ab štrafach, daviedki z pravaabarončych arhanizacyj;

— fota-, videa-, aŭdyja— abo piśmovyja pakazańni śviedki;

— skrynšoty pierapiski ŭ telehramie, vašy publikacyi ŭ sacsietkach, artykuły sa ŚMI.

Čym bolš dokazaŭ pa sutnaści padaście — tym lepš.

Jak vyhladaje pracedura padačy i atrymańnia mižnarodnaj abarony ŭ Polščy?

Dla pačatku zapoŭnić zajavu i padać jaje ŭ pamiežnuju słužbu Polščy. Zrabić heta možna padčas pierasiačeńnia miažy, a ŭ samoj Polščy — u lubym blizkim da vas adździaleńni pamiežnaj słužby abo ŭ mihracyjnym adździele ŭ Varšavie pa adrasie Taborowa 33.

U adździaleńni pamiežnaj słužby treba zapoŭnić padrabiaznuju ankietu pra abstaviny vašaj spravy (ankietu, a taksama pierakładčyka vam daduć na miescy), zdać adbitki palcaŭ, prajści ahlad doktara i atrymać časovaje paśviedčańnie asoby — TZTC.

Na čas razhladu vašaj zajavy (heta ŭ siarednim 6 miesiacaŭ) pamiežniki zabirajuć vaš pašpart, a taksama pašparty členaŭ vašaj siamji, kali jany ŭpisanyja ŭ vašu zajavu. Usie pašparty adpraŭlajuć na depazit u Varšavu na Taborowa 33. Zamiest ich vam i členam vašaj siamji vydaduć časovyja paśviedčańni asoby TZTC.

Čakać rašeńnia pa svajoj spravie — kala šaści miesiacaŭ.

Što rabić paśla stanoŭčaha rašeńnia ab pradastaŭleńni abarony?

Nastupnym krokam budzie afarmleńnie karty časovaha pobytu. Paśla, na padstavie statusu ab mižnarodnaj abaronie, vy zmožacie aformić kartu stałaha pobytu i hramadzianstva Polščy.

Paśla atrymańnia stanoŭčaha rašeńnia treba padać va ŭpraŭleńnie pa spravach zamiežnikaŭ u Varšavie na Taborowa 33 (poštaj, zakaznym listom abo naviedaŭšy asabista) nastupnyja dakumienty:

zapoŭnienyja zajavy na kartu pobytu dla kožnaha člena siamji, jaki atrymaŭ status dadatkovaj abarony, prykłaści da kožnaj zajavy pa dva fota 3,5 ch 4,5;

zapoŭnienuju zajavu ab admovie ad prava na abskardžańnie. Uzor zajavy jość u hetaj pamiatcy na staroncy 15.

Dakumienty adpraŭlajucca na hety adras:

Szef Urzędu do spraw cudzoziemców
Ul.Taborowa 33
02-699 Warszawa

Prykładna praź miesiac vas vykličuć na zdaču adbitkaŭ palcaŭ va ŭpraŭleńnie pa spravach zamiežnikaŭ u Varšavie. Tady ž vy zmožacie zabrać svoj pašpart z depazitu. A jašče praz adzin-dva miesiacy paśla hetaha budzie hatovaja karta pobytu.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Dalahlad/adkazać/
01.11.2022
A napišycie taki artykuł pra Litvu
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera