Beeresemaŭki prapanujuć štrafavać za niajaŭku na vybary i zabaranić iści ŭ prezidenty «kucharkam, błohieram ci šoŭmienam»
Padčas «dyjałohavaj placoŭki» pa abmierkavańni zakonaprajekta «Ab Usiebiełaruskim narodnym schodzie» pieršyja sakratarki Žłobinskaha i Rečyckaha rajonnych kamitetaŭ BRSM vystupili ź nietryvijalnymi prapanovami.
«Moža być, čas unieści zamiest vybarčaha prava vybarčy abaviazak? Bo dziaržava tracić biudžetnyja hrošy na arhanizacyju vybaraŭ. Kožnaja vybarčaja kamisija, kožny ŭčastak stvaraje ŭmovy dla taho, kab čałaviek pryjšoŭ i prahałasavaŭ. A ludzi majuć prava nieabhruntavana nie pryjści na vybary. Dyk, moža, pryjšła para ŭvieści štrafnyja sankcyi za nieabhruntavanuju niajaŭku?», — zadała pytańnie Alena Chołupava sa Žłobina.
Jaje kaleha Ksienija Kačanoŭskaja z Rečycy, jak piša BIEŁTA, hłyboka pierakananaja ŭ tym, što ŭ prezidenty pavinien iści čałaviek, jaki viedaje tołk u palitycy, u ekanomicy.
«Kab nie atrymlivałasia tak, što ŭ prezidenty idzie kucharka, abo błohier, abo šoŭmien, — udakładniła jana. — Kali biełaruski narod vyłučaje va UNS delehataŭ, jakim jon hłyboka daviaraje, to takim čynam na UNS farmirujecca palityčnaja elita krainy. Moža, varta addać prava vybaru prezidenta UNS?»
Jašče krychu, i biełaruskija kamsamolcy vystupiać z prapanovami štrafavać za hałasavańnie nie za taho kandydata.
vied v Jevropie žie, naprimier
"V Bielhii piervaja niejavka na vybory biez uvažitielnoj pričiny karajetsia štrafom v €50. V słučaje povtornoho narušieniia summa štrafa uviełičivajetsia do €125. Pośle čietviertoho «prohuła» hraždanin łišajetsia izbiratielnych prav na diesiať let, a takžie vozmožnosti połučiť dołžnosť na hossłužbie.