Premjer Čechii: Treba źviarnuć uvahu na rolu Biełarusi ŭ vajnie
Premjer-ministr Čechii Piotr Fijała, viarnuŭšysia ŭ Prahu paśla vizitu ŭ Kijeŭ, padniaŭ pytańnie ab novych sankcyjach suprać Biełarusi ŭ suviazi z rolaj režymu Łukašenki ŭ rasijskaj vajnie suprać Ukrainy.
Piotr Fijała. Fota: AFP
Pavodle Fijały, ES razhladaje mahčymaść dalejšych sankcyj suprać Biełarusi za jaje rolu ŭ ahresiŭnaj vajnie Rasii suprać Ukrainy.
«My nie možam dapuścić, kab Biełaruś dałučałasia da rasijskaj palityki abo kab Rasija abychodziła nastupstvy ŭviedzienych sankcyj praź Biełaruś», — zajaviŭ premjer-ministr Čechii ŭ aŭtorak.
Sankcyi suprać Biełarusi ŭžo jość, skazaŭ Fijała, ale ES ciapier taksama admysłova zajmajecca toj rolaj, jakuju Biełaruś adyhryvaje padčas vajny va Ukrainie.
Važna toje, što mienavita Čechija — taja kraina, jakaja da kanca staršynstvuje ŭ Radzie ES, tamu vierahodna, što budzie hetuju temu da kanca svajho mandata admysłova prasoŭvać.
