Pamior architektar Mikałaj Žłoba. Jon sprajektavaŭ Ślapianskuju vodnuju sistemu
Architektar pamior na 88-m hodzie žyćcia, paviedamlajuć «Minsk-naviny».
Mikałaj Žłoba naradziŭsia 5 studzienia 1935 hoda ŭ Homieli. Skončyŭ BPI (ciapier BNTU).
Usio tvorčaje žyćcio addaŭ łandšaftnaj architektury. Jon byŭ aŭtaram vielizarnaj kolkaści abjektaŭ łandšaftnaha profilu nie tolki ŭ Minsku, ale i ŭ Viciebsku, Oršy. U stalicy pa jaho prajektach byli stvorany park imia 60-hodździa Kastryčnika na vulicy Matusieviča, park Pieramohi na ciapierašnim praśpiekcie Pieramožcaŭ, park u rajonie praśpiekta haziety «Praŭda».
Ale, badaj, samaj znakavaj rabotaj stała prajektavańnie i budaŭnictva Ślapianskaj vodnaj sistemy.
Dziakujučy hetamu prajektu stalica atrymała rukatvornuju raku, jakaja pačynajecca ad Cnianskaha vadaschovišča i ciače praź niekalki rajonaŭ horada, upadajučy ŭ Čyžoŭskaje vadaschovišča. Na praciahu 22-kiłamietrovaha štučnaha rečyšča Ślapianskaj sistemy było zaprajektavana mnostva kaskadaŭ i navat fantan na vadzie.
Za Ślapianskuju vodnuju sistemu aŭtarski kalektyŭ, jaki pracavaŭ pad kiraŭnictvam Mikałaja Fiodaraviča, atrymaŭ u 1989 hodzie Dziaržaŭnuju premiju SSSR.
Jašče adzin unikalny prajekt — rekanstrukcyja i adnaŭleńnie pałacava-parkavaha ansambla ŭ Niaśvižy.
Ślapianskaja vodnaja sistema - heta sapraŭdy ŭnikalny abjekt.
ja žyła tam, dzie pačynałasia heta sistema. hety vializny pryhožy rukatvorny vodaspad. uzimku la hetaha vadaspadu utvaraŭsia narodny katok na pryrodnym lodzie. šmat narodu było. niekatoryja katalisia vielimi pryhoža... taksama pa lodzie my sa školnaj siabroŭkaj na hurtok pa tancach u "Vilnius" išli - nam tak było bolš cikava, čym pa ściežcy. adnojčy było cikava-cikava zusim... lod byŭ čysty prazrysty... my išli, a pad nahami płyli maleńkija-maleńkija rybki... kaskad - prachod da sparkomleksu "Trudovyje rieziervy" (budgawl.livejournal.com/45173.html - 2-je fota źvierchu) taksama ŭraziŭ u svoj čas zimoj. vada raptam zamierzła tak, što ja nazirała stałahcity i stałahmity... jak u naturalnaj piačory... mahu šče šmat što raskazać... ale i tak jasna, čto heta vybitny tvor śvietłaja pamiać architektaru