Pa Telegram raspaŭsiudžvajecca novaja fišynhavaja rassyłka. Raspaviadajem, jak jana vyhladaje
Heta adbyłosia siońnia — budźcie aściarožnyja, kab nie «padaryć» akaŭnt nieviadomym machlaram.
Siońnia našy čytačy paviedamili, što ŭ Telegram raspaŭsiudžvajecca novaja fišynhavaja rassyłka. Akaŭnt «Paviedamleńni» infarmuje, što terminova treba prajści aŭtaryzacyju, kab «abaranić danyja»:
Prykład fišynhavaha paviedamleńnia
Dałučanaja spasyłka viadzie na fejkavy sajt checktgacc.org. Sam resurs — heta padrobka aryhinalnaha sajta Telegram. Akramia hetaha, u sajta nie padklučany ssl (dla zvyčajnaha karystalnika vyhladaje jak spasyłka, jakaja pačynajecca z «https», abaraniaje danyja karystalnika), a damien checktgacc.org zarehistravany tolki 18 vieraśnia 2022 hoda. Samo paviedamleńnie zroblenaje nastolki niaŭvažliva, što navat pierabłytany aficyjny adras Telegram u internecie (Telegram.com zamiest Telegram.org u tekście).
Telegram nikoli nie budzie prasić raptam «paćvierdzić» vaš uvachod, bo ŭ hetym niama nijakaha praktyčnaha sensu. Tym bolš praź nieaficyjny akaŭnt — bo administracyja nikoli nie vykarystoŭvała akaŭnt «Paviedamleńni» ŭ jakaści kantaktnaha.
Akaŭnt, ź jakoha prychodzić rassyłka, raniej byŭ zaŭvažany ŭ šmatlikich hrupach i, mahčyma, robić rassyłku i tudy, bo amal va ŭsich ź ich užo zabłakavany.
