Žonku palitviaźnia Arcioma Aniščuka asudzili na 10 sutak za repost z «Našaj Nivy»
Spravu Volhi Aniščuk 7 listapada, u vychadny dzień, razhladała dziažurnaja sudździa Zavodskaha rajona Minska Alena Niakrasava. Jak paviedamlajuć pravaabaroncy, sudzili žančynu za repost dopisa z «Našaj Nivy».
Volhu Aniščuk zatrymali 4 listapada. 3 lutaha 2021 hoda jaje muža Arcioma asudzili da dvuch hadoŭ kałonii za paškodžańnie mašyny siłavika. Jaho adpravili adbyvać termin u Mahiloŭskuju kałoniju № 15, dzie jon zaznaŭ katavańni i źbićcio.
Arciom musiŭ vyjści na svabodu naprykancy červienia, adbyŭšy całkam termin u dva hady, ale jaho znoŭ nie vypuścili, bo zaviali novuju kryminalnuju spravu pa art. 369 KK za abrazu milicyjanta ŭ zakrytym telehram-čacie jašče da jaho zatrymańnia.
Pry hetym na momant ździajśnieńnia «złačynstva» dziejničała staraja redakcyja art. 369 KK, jakaja nie praduhledžvała mieru strymańnia ŭ vyhladzie ŭtrymańnia pad vartaj. Ale kab nie vyzvalać palitviaźnia, na jaho zaviali novuju kryminalnuju spravu.
