Znajści
Ałharytmičny łacinski varyjant
10.11.2022 / 14:293RusŁacBieł

Novymi ŭłaśnikami sietki Synevo ŭ Biełarusi stanuć ruskija 

Jak stała viadoma «Našaj Nivie», dyjahnastyčnyja łabaratoryi Synevo ŭ Biełarusi vykuplaje rasijskaja sietka Helix. 

Fota: «Sineva»

Były ŭładalnik sietki — šviedskaja kampanija Medicover — sychodzić z našaha rynku. 

Čytajcie taksama: Synevo sychodzić ź Biełarusi

Helix — kampanija karaniami z Sankt-Pieciarburhu, jakaja «strelnuła» paśla pačatku pandemii i sioleta aktyŭna pašyrajecca ŭ Rasii: miascovyja ŚMI paviedamlali ab 147 novych łabaratornych centrach tolki za 9 miesiacaŭ biahučaha hoda. 

Ciapier, vyhladaje, da aktyvaŭ u Iaškar-Ale, Chanty-Mansijsku i inšych dadaducca i łabaratoryi ŭ biełaruskich haradach. Surazmoŭcy, znajomyja ź situacyjaj, paviedamlajuć «Našaj Nivie», što naŭrad ci niešta ŭtrymaje šviedskich ułaśnikaŭ Synevo ad prodažu.

«Šviedy pradajuć u ramkach zrazumiełaj palityki admiežavańnia ad taksičnych rynkaŭ. Asabliva žadajučych u Biełarusi niešta kuplać taksama niama, heta zbolšaha ruskija. Tak i atrymałasia», — skazaŭ «Našaj Nivie» daśviedčany surazmoŭca. 

Zasnavalnik «Chieliksa» Juryj Andrejčuk. Fota: www.kommersant.ru

Mierkavanaja suma ździełki znachodzicca niedzie kala ličby ŭ 10 miljonaŭ dalaraŭ. 

Synevo — samaja bujnaja na siońnia dyjahnastyčnaja sietka Biełarusi, u jakuju ŭvachodziać łabaratoryja i kala 60 punktaŭ zdačy analizaŭ u 25 haradach krainy. U joj pracuje bolš za 500 čałaviek. Pieršy dyjahnastyčny centr adkryŭsia ŭ Minsku ŭ 2009 hodzie.

Uładalnikam sietki i brenda zjaŭlajecca šviedski chołdynh Medicover, jakomu naležać miedcentry i łabaratoryi ŭ Polščy, Niamieččynie, Rumynii, Ukrainie, Hruzii, Małdovie, Sierbii i Bałharyi. Zasnavalnikam Medicover zjaŭlajecca Jonas af Joknik, viadomy biełarusam pa svaim inšym prajekcie — Oriflame. Jaho naśledniki kantralujuć Medicover praz Celox Holding.

Arciom Harbacevič

Chočaš padzialicca važnaj infarmacyjaj
ananimna i kanfidencyjna?

Клас
2
Панылы сорам
1
Ха-ха
2
Ого
2
Сумна
7
Абуральна
31
0
bhb/adkazać/
10.11.2022
Sdača suvierienitieta prodołžajetsia. Tiepieŕ russkij FSB budiet znať vsie pro pochoždienija nalevo
0
miascovy2/adkazać/
10.11.2022
Heta horš, čym kali b dziaržava (čytaj USP) "otžała".
1
rom/adkazać/
10.11.2022
[Red. vydalena]
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera