Minabarony Rasii nazvała adychod z Chiersona «manieŭram u adpaviednaści z płanam»
Minabarony Rasii paviedamiła ab advodzie vojskaŭ z Chiersona na levy bierah Dniapra 9 listapada. Rašeńnie tam abhruntavali niebiaśpiekaj akružeńnia hrupoŭki i pastajannymi abstrełami z boku USU. «Manieŭr» idzie pa płanie, padkreślili ŭ viedamstvie.
Manieŭr padraździaleńniaŭ rasijskaj hrupoŭki vojsk na padrychtavanyja pazicyi na levym bierazie raki Dniepr idzie ŭ adpaviednaści z zaćvierdžanym płanam, paviedamili ŭ Minabarony.
«Na Mikałajeva-Kryvarožskim kirunku ažyćciaŭlajecca manieŭr padraździaleńniaŭ rasijskaj hrupoŭki vojskaŭ na padrychtavanyja pazicyi na levym bierazie raki Dniepr u strohaj adpaviednaści z zaćvierdžanym płanam», — skazana ŭ paviedamleńni.
Taksama ŭ Minabarony paviedamili pra ŭdary pa dvuch punktach kiravańnia (USU ŭ rajonie Mikałajeva i Chiersonskaj vobłaści), a taksama pa palivaschoviščy ŭ Dnieprapiatroŭskaj vobłaści i składzie zbroi ŭ Mikałajeŭskaj vobłaści.