Barel zaklikaŭ pieraabstalavać infrastrukturu ES dla chutkich pieravozak vajennaj techniki na Uschod
Aŭtamabilnuju i čyhunačnuju infrastrukturu Jeŭrasajuza nieabchodna pieraabstalavać dla chutkich pieravozak vajennaj techniki i sił u ramkach Sajuza. Ab hetym zajaviŭ viarchoŭny pradstaŭnik ES pa zamiežnych spravach i palitycy biaśpieki Žazep Barel.
Pavodle jaho słoŭ, «asiarodździe biaśpieki ŭ Jeŭropie źviedała istotnyja źmieny», i Jeŭrasajuzu nieabchodna adaptavać abaronnuju palityku da novych umoŭ.
«My pavinny adaptavać našu sistemu mabilnaści dla našych vojskaŭ, kab my mahli chutka transpartavać i razhortvać našy vajennyja mahčymaści», — skazaŭ Barel.
Jon taksama padkreśliŭ, što mahčymaść chutka pieravieźci siły z adnoj častki ES u inšuju, u asnoŭnym z zachadu na ŭschod, źjaŭlajecca «krytyčna važnaj» dla abarony ES.
Pavodle jaho słoŭ, Jeŭrasajuz padklučyć Bałkany, Małdovu i Ukrainu da prajektaŭ pa pavieličeńni vajennaj mabilnaści dla chutkaha razhortvańnia bajavych sił.
