Z Akademii navuk zvalniajuć tych, kaho zatrymali łukašysty
Jašče pierad doŭhimi listapadaŭskimi vychadnymi ŭ Prezidyum Akademii navuk vyklikali dyrektaraŭ instytutaŭ i skazali zvolnić tych, chto paśla niadaŭniaj «abłavy» apynuŭsia na «sutkach», — raspaviała krynica «Zierkała».
Siarhiej Haranin
Siarod zvolnienych, navukoviec Siarhiej Haranin, jaki pravioŭ dziesiać sutak na Akreścina.
Jak paviedamlałasia raniej, padčas «abłavy» ŭ Akademii navuk, što adbyłasia ŭ kancy kastryčnika, byli dapytanyja bolš za 40 čałaviek.
— Nakolki mnie viadoma, razmaŭlali z tymi, chto znachodziŭsia ŭ čacie navukoŭcaŭ suprać hvałtu. Prymušali pakazvać telefony, pierapiski, padpiski, fatahrafii, — raspavioŭ vidavočca.
Pavodle jaho źviestak, zabrali niekalki čałaviek (chutčej za ŭsio piać), «u kaho niešta nie spadabałasia ŭ telefonie». Na «sutkach» pavodle art. 19.1 KaAP tady apynulisia jašče minimum dvoje navukoŭcaŭ.
Adzin ź ich — kandydat fizika-matematyčnych navuk ź Instytuta chimii novych materyjałaŭ NAN Biełarusi, druhi — małodšy navukovy supracoŭnik Abjadnanaha instytuta prablem infarmatyki NAN.