Z 11 śniežnia Biełaruskaja čyhunka ŭvodzić u dziejańnie hrafik ruchu ciahnikoŭ na 2022-2023 hady
Usiaho, jak infarmuje pres-centr BČ, u narmatyŭnym hrafika ruchu ciahnikoŭ na 2022-2023 hady pa sietcy Biełaruskaj čyhunki praduhledžana kursiravańnie 389 par ciahnikoŭ.
Va ŭnutranych čyhunačnych znosinach, jak adznačajecca, pry farmiravańni hrafika ruchu ciahnikoŭ, asablivaja ŭvaha była ŭdzielena raźvićciu i ŭzmacnieńniu transpartnych suviaziej rehijonaŭ krainy, u tym liku za košt zadziejničańnia matoravahonnaha ruchomaha sastavu na pasažyraŭtvaralnych napramkach, jakija źviazvajuć stalicu Biełarusi z abłasnymi centrami i haradami Orša, Połack, Pinsk.
U znosinach pamiž Minskam i abłasnymi centrami asobnyja ciahniki, jakija kursirujuć u tym liku i ŭ režymie niaspynnaha ruchu, buduć pieraadolvać adlehłaść da Mahilova za 2 hadziny 43 chviliny, Homiela — 2 hadziny 50 chvilin, Bresta i Viciebska — 3 hadziny, Hrodna — 3 hadziny 52 chviliny.
Što tyčycca mižnarodnaha kirunku, to jon płanujecca tolki ŭ adnym kirunku — uschodnim. Z 11 śniežnia mižnarodnyja pasažyrskija pieravozki ŭ znosinach Biełaruś — Rasija buduć arhanizavanyja pa asnoŭnych pasažyraŭtvaralnych napramkach u pramych i bieśpierasadačnych stasunkach z Maskvoj, Sankt-Pieciarburham, Adleram, Anapaj, Murmanskam i Kalininhradam.
Bolš padrabiaznuju infarmacyju ab hrafiku ruchu ciahnikoŭ, košcie i praviłach prajezdu možna atrymać na aficyjnym sajcie Biełaruskaj čyhunki rw.by, z dapamohaj aficyjnaha mabilnaha dadatku «BČ. Moj ciahnik» i pa telefonie Kantakt-centra Biełaruskaj čyhunki 105 (padtrymka pasažyraŭ, jakija znachodziacca za miežami Respubliki Biełaruś, pa telefonie +375 222 39 25 47).
