Kadyraŭ patrabuje pierad pačatkam pieramoŭ vydać jamu ŭsich šajtanaŭ
Kiraŭnik Čačni Ramzan Kadyraŭ vystupiŭ z čarhovaj skandalnaj zajavaj, znoŭ pakazaŭšy siabie ŭsierasijskim «jastrabam». Hetym razam pryčynaj stała pytańnie mahčymych mirnych pieramoŭ z Ukrainaj, piša RBK.
Kadyraŭ nazvaŭ dźvie ŭmovy dla pačatku pieramoŭ: pryznańnie ŭvachodžańnia ŭ skład Rasii novych rehijonaŭ i vydača «ŭsich fašysckich złačyncaŭ i šajtanaŭ, adkaznych za źvierstvy nad ruskamoŭnym nasielnictvam».
Kali ž hetyja ŭmovy nie buduć vykananyja, ale vajnu ŭsio ž skončać, nie pytajučysia Kadyrava, to tady, maŭlaŭ, «u Čačenskaj Respublicy znojducca dobraachvotniki, u liku jakich budu i ja, jakija prymusiać adkazać banderaŭskich fašystaŭ i šajtanaŭ za kožnuju kroplu kryvi» i nie daduć Zachadu «razvalić našu vialikuju krainu i addać zabyćciu našy tradycyi i vieru va Usiavyšniaha».