Minskija lekary viarnuli zrok vielmi składanamu pacyjentu
U 10-j haradskoj kliničnaj balnicy Minska paśpiachova praviali apieracyju na vačach pacyjentu, u jakoha ŭ anamniezie mielisia składanyja spadarožnyja zachvorvańni, paviedamlajuć «Minsk-Naviny».
«Pacyjent unikalny — akramia prablem sa zrokam, u jaho vielmi šmat źviazanych z hetym patałohij, z-za čaho praviadzieńnie apieracyi na orhanach zroku vyklikała ciažkaści», — adznačyła zahadčyca addzialeńnia mikrachirurhii № 1 hetaj miedycynskaj ustanovy, hałoŭny pazaštatny aftalmołah Minska Taćciana Varanovič.
Pavodle słoŭ śpiecyjalista, kali pacyjent pastupiŭ u 10-ju balnicu, jon drenna razmaŭlaŭ z-za pieraniesienaha insultu. Da taho ž jon častkova straciŭ słych. Da hetaha ŭ jaho była amputavanaja naha, i jon aślep na abodva voki.
«My vykanali jamu apieracyju pa vydaleńni katarakty ź impłantacyjaj štučnaha kryštalika. Viarnuli čałavieku zrok! Mužčyna ŭžo hladzić televizar. Bolš taho, ciapier razhladajecca pytańnie ab praviadzieńni apieracyi na druhim voku», — raskazała Taćciana Varanovič.
Čytajcie taksama:
U Homieli paśpiachova praapieryravali dvuch dziaciej z pryrodžanymi defarmacyjami chrybta
