Vystava płakataŭ Uładzimira Ceślera adkryłasia ŭ Adesie
U Adeskim muziei zachodniaha i ŭschodniaha mastactva ŭ miežach fiestyvalu dakumientalnaha kino «1084. Na miažy» adkryłasia vystava viadomaha biełaruskaha dyzajniera Uładzimira Ceślera, piša Reform.by.
Uładzimir Ceśler. Broń. Fota: fejsbuk aŭtara
«Zaprašajem adesitaŭ pahladzieć na vostryja vizualnyja tvory — suprać vajny, suprać «russkoho mira», suprać dyktatury i tatalitaryzmu», — zaklikajuć muziejščyki na fejsbuk-staroncy ŭstanovy.
Jany pradstaŭlajuć biełaruskaha tvorcu jak kultavuju fihuru pratesnaha mastactva ŭ Biełarusi, a ŭ 2022 hodzie — adnaho z samych jarkich aŭtaraŭ antyvajennych vykazvańniaŭ u vyhladzie płakata.
Vystava pavinna była adkrycca ŭčora, 21 listapada, ale z-za adklučeńniaŭ śviatła adkryćcio pieranieśli. U jakaści kampiensacyi arhanizatary vykłali tajmłaps z pracesam mantavańnia ekspazicyi.
