Minskich manašak nie puskajuć na anhlijski kirmaš z-za padtrymki vajny
Śviata-Jelisaviecinski manastyr raźmieščany ŭ Minsku, u jaho majsterniach vyrablajuć posud, suvieniry, adzieńnie. Paśla heta ŭsio pradajecca, u tym liku i ŭ zachodnich krainach. Ale z-za taho, što hety manastyr aktyŭna padtrymlivaje dziejańni Rasii va Ukrainie, u hetym hodzie z pajezdkami ŭźnikajuć prablemy, piša «Chryścijanskaja vizija».
Manastyr daŭno źbiraje hrošy dla patreb samaabvieščanych «ŁNR» i «DNR», a paśla lutaha 2022 hoda dapamahaŭ kuplać adzieńnie i ekipiroŭku dla rasijskich vajskoŭcaŭ va Ukrainie.
Z-za padtrymki vajny haradskaja rada Uinčestera ŭ Anhlii pryniała rašeńnie ab niemahčymaści sioletniaha ŭdziełu minskaha manastyra ŭ kaladnym bazary ŭ ich horadzie. Z prośbaj zabaranić jaho ŭdzieł u radu źviarnulisia roznyja arhanizacyi hramadzianskaj supolnaści.
Kaladny bazar va Uinčestery — adzin z najbolšych u Vialikabrytanii, tudy pryjazdžaje bolš za 350 tysiač čałaviek.
Čytajcie taksama:
«Svaich nie kidajem». Minski Śviata-Jelisaviecinski manastyr aktyŭna spryjaie rasijskaj ahresii va Ukrainie
