Za hod telefonnyja machlary vymanili ŭ biełarusaŭ 4,5 miljona dalaraŭ
Tolki ŭ hetym hodzie ašukancy vymanili ŭ biełarusaŭ bolš za $4,5 młn. Achviarami złodziejaŭ čaściej za ŭsio stanoviacca ludzi stałaha ŭzrostu, pra heta paviedamiŭ kiraŭnik MUS Ivan Kubrakoŭ u efiry telekanała ANT.
«Na žal, časam našy hramadzianie nie čujuć. Voś siońnia zachodzić učastkovy inśpiektar milicyi, davodzić kankretnuju situacyju, raspaviadaje. Žančyna ŭśmichajecca, što ź joj takoha być nie moža nikoli. Sychodzić učastkovy, praź dzień ź joj adbyvajecca dakładna takaja situacyja, kali raspaviadajuć, što trapiŭ u biadu rodny čałaviek», — raspavioŭ Kubrakoŭ.
Milicyja taksama zatrymlivaje šmat kurjeraŭ-machlaroŭ. Jany znachodziacca na terytoryi Biełarusi.
Sami ž ašukancy pracujuć z-za miažy. Ivan Kubrakoŭ znoŭ zajaviŭ, što koł-centry raźmieščany na terytoryi Ukrainy.
