Zamiest Makieja na pasiadžeńnie ABSIE pajedzie Dapkiunas
Na pasiadžeńnie Rady ministraŭ zamiežnych spraŭ Arhanizacyi biaśpieki i supracy ŭ Jeŭropie zamiest pamierłaha 26 listapada Uładzimira Makieja pajedzie pastajanny pradstaŭnik Biełarusi pry ABSIE ŭ Vienie Andrej Dapkiunas, paviedamlaje «Biełsat» sa spasyłkaj na pres-sakratara polskaha MZS Łukaša Jasinu.
Andrej Dapkiunas. Fota: wmeste.by
Pasiadžeńnie Rady ministraŭ zamiežnych spraŭ ABSIE adbudziecca 1—2 śniežnia ŭ polskim horadzie Łodź.
«Na pasiadžeńni ABSIE ŭ Łodzi Biełaruś budzie pradstaŭlać Andrej Dapkiunas — stały pradstaŭnik pry ABSIE ŭ Vienie», — paviedamiŭ Łukaš Jasina.
Andrej Dapkiunas zajmaŭ pasadu namieśnika ministra zamiežnych spraŭ Biełarusi z 2017 pa 2020 hod. U lipieni 2020 hoda jon byŭ pryznačany pasłom Biełarusi ŭ Aŭstryi i Słavienii, a taksama pastajannym pradstaŭnikom Biełarusi pry mižnarodnych arhanizacyjach u Vienie i pry Arhanizacyi pa biaśpiecy i supracoŭnictvie ŭ Jeŭropie (ABSIE).
Raniej ministr zamiežnych spraŭ Polščy Źbihnieŭ Rau i hienieralny sakratar ABSIE Chielha Šmid paćvierdzili źviestki, što pamierły 26 listapada kiraŭnik MZS Biełarusi Uładzimir Makiej musiŭ na nastupnym tydni pryniać udzieł u pasiadžeńni Rady ministraŭ zamiežnych spraŭ ABSIE. Pry hetym polskija ŭłady admovili ŭ mahčymaści prybyć na naradu ministru zamiežnych spraŭ Rasii Siarhieju Łaŭrovu.
