Rasijski Minkult akaža padtrymku stvareńniu filmaŭ pra «dehradacyju Jeŭropy», «kałanijalizm anhłasaksonskaha śvietu» i «miratvorčuju misiju RF»
Rasijskaje Ministerstva kultury vyznačyła hałoŭnyja temy rasijskaha kino. Ministerstva paabiacała dziaržpadtrymku filmam, jakija zakranajuć 17 pryjarytetnych tem.
Fota: Siarhiej Babyloŭ / TASS
Adna z hetych tem pryśviečanaja «nieakałanijalnaj palitycy krain anhłasaksonskaha śvietu» i «dehradacyi Jeŭropy», inšaja pavinna papularyzavać «hieraizm i samaaddanaść rasijskich vajskoŭcaŭ padčas śpiecyjalnaj vajennaj apieracyi» va Ukrainie.
Taksama siarod pryjarytetnych tem značacca «zachavańnie, stvareńnie i raspaŭsiudžvańnie tradycyjnych kaštoŭnaściej», «Małarosija jak histaryčnaja vobłaść Rasii» i «papularyzacyja słužby va Uzbrojenych siłach Rasii».
Ministarka kultury Rasii Volha Lubimava zajaviła, što viedamstva ličyć nieabchodnym zrabić akcent na «supraćdziejańni sprobam falsifikacyi historyi i sučasnym prajavam ideałohii nacyzmu».
U kancy 2022 hoda rasijski Minkult źbirajecca abviaścić paradak i ŭmovy praviadzieńnia konkursnych adboraŭ na finansavańnie kinavytvorčaści.
Čytajcie taksama:
Pa centry Ćviary jeździli tanki z ukrainskimi ściahami, miascovaje načalstva pierapałochałasia
